Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Me 2 rreshta/ Ngjarjet kryesore të ditës: çfarë pati rëndësi dje në botë

Politiko 7 Maj 2020, 07:42

Me 2 rreshta/ Ngjarjet kryesore të ditës: çfarë pati

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

█Megjithë shenjat e shumta që pandemia po lehtësohet, Komisioni Europian parashikon që ekonomia e Europës do të tkurret me 7.4 përqind këtë vit, recesioni më i thellë në histori. Për krahasim, ekonomia e BE u tkurr me 4,5 përqind në 2009, gjatë krizës globale financiare.

█Kancelarja Merkel tha se numrat e infektimeve në vend nuk ishin vetëm të qëndrueshëm, por edhe më të ulët se ata të raportuar dy javë më parë. Ajo tha që Gjermania është në gjendje të rihapë më shumë sektorë të ekonomisë dhe shoqërisë.

█Futboll: Ndërsa kampionatet në Gjermani, Itali dhe Spanjë po ndërmarrin hapa drejt rifillimit, rikthimi i Premier League është duke u penguar nga ekipet në fund të renditjes. Ata shfaqen të vendosur në përdorimin e akteve nënligjore të Ligës gjatë negociatave, teksa përpiqen të shpëtojnë nga rreziqet e rënies në kategorinë e dytë dhe falimentit të mundshëm financiar.

█Izrael: Gjykata Supreme kundërshtoi unanimisht kërkesat që kërkojnë të skualifikojnë kryeministrin Benjamin Netanyahu nga udhëheqja e një qeverie të re, sepse ai përballet me akuza korrupsioni. Gjykata gjithashtu nuk pranoi të bllokojë marrëveshjen e pazakontë të ndarjes së pushtetit që Netanyahu arriti me Benny Gantz.

█Turqi: Kritikët e Presidentit Erdogan po lëvizin ndërsa ekonomia e kombit përkeqësohet me shpërthimin e koronavirusit: Papunësia dhe inflacioni janë më të larta, turizmi është goditur dhe lira ka rënë. Kundërshtarët shpresojnë që pandemia t’a bindë Erdoganin të bëjë reforma strukturore.

█Irak: Parlamenti zgjodhi Mustafa al-Kadhimi, 53 vjeç, një ish-shef i inteligjencës i mbështetur nga amerikanët, si kryeministri i ri, duke i dhënë vendit qeverinë e tij të parë stabile në më shumë se 5 muaj. al-Kadhimi ka lidhje të forta me ShBA dhe një reputacion për pragmatizëm.

█Britani: Kryeministri Boris Johnson dukej, në mënyrë jo karakteristike për të, në pozita mbrojtëse në përballjen e parë me drejtuesin e ri Laburist, Keir Starmer. Britania e kaloi Italinë me një total prej 30.076 vdekjesh nga koronavirusi krahasuar me 29.684 të Italisë, sipas raporteve zyrtare.

█Itali: Ndërsa katër milion italianë u kthyen në punë këtë javë, më shumë do vijojnë, shumë prindër ishin në vështirësi për kujdesin ndaj fëmijëve: Shkollat, çerdhet, përkujdesjet ditore dhe kampet verore mbeten të mbyllura.

█Raporti i punës i muajit prill, që del të premten, pritet të tregojë se listëpagat në ShBA ranë me 22 milion, sipas ekonomistëve të anketuar nga MarketWatch. Humbja më e rëndë mujore e regjistruar ishte gati dy milion vende pune në shtator 1945.

█Presidenti Trump tha se grupi i task-forcës anti koronavirus i Shtëpisë së Bardhë "do të vazhdojë për një kohë të pacaktuar", duke kundërshtuar komentet e tij të mëparshme.

█Llamas: Antitrupat nga Winter, një lama 4-vjeçare në Belgjikë, kanë neutralizuar koronavirusin dhe infeksione të tjera në kulturat e qelizave në laborator. Studiuesit shpresojnë që antitrupat të përdoren te njerëzit si një trajtim profilaktik i përkohshëm, duke injektuar njerëz që nuk janë infektuar ende për t'i mbrojtur nga virusi.