Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Me 2 rreshta/ Ngjarjet kryesore të ditës: çfarë pati rëndësi dje në botë

Politiko 14 Maj 2020, 08:37

Me 2 rreshta/ Ngjarjet kryesore të ditës: çfarë pati

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Një zyrtar i lartë i Organizatës Botërore të Shëndetësisë tha se koronavirusi "mund të mos largohet kurrë", duke u bërë një fakt afatgjatë i jetës që duhet të menaxhohet, si psh HIV. Zyrtari tha që ndërsa një vaksinë e mirë mund të shpikej, nuk dihej se kur, duke e quajtur "një projekt ambicioz".

■Një studim i ri hedh dritë mbi një gjendje inflamatore, me gjasë vdekjeprurëse, te fëmijët, duke siguruar prova edhe më të forta që sindromi është i lidhur me koronavirusin. Rreth 100 raste në ShBA, përfshirë tri vdekje, dhe të paktën 50 raste dhe një vdekje në vendet europiane i janë atribuar sindromës.

■Protestues të armatosur kanë ndihmuar bizneset në të gjithë shtetin e Texas-it të rihapen, duke kundërshtuar masat bllokuese anti-koronavirus. Protestuesit thonë se po zbatojnë kushtetutën e shtetit.

■Presidenti Trump po nxit rihapjen e shkollave dhe kritikoi ekspertin më të lartë të sëmundjeve infektive në vend, i cili kishte paralajmëruar Senatin për efektet e panjohura që ka koronavirusi te fëmijët.

■Izrael: Në një vizitë tetë-orëshe në Jeruzalem, Sekretari i Shtetit Mike Pompeo duket se paralajmëroi që të mos lëvizet shumë shpejt në aneksimin e territorit të pushtuar në Bregun Perëndimor.

■Gjermani: Kancelarja Angela Merkel dënoi një sulm kibernetik «tronditës» të shërbimit sekret rus në Parlamentin gjerman, përfshirë llogarinë e saj personale të postës elektronike. Por, edhe pse durimi i tyre me Rusinë ka mbaruar, zyrtarët duan të mbajnë hapur kanalet diplomatike.

■Eritrea: Një grup me qendër në Amsterdam paditi Bashkimin Europian për financimin e një projekti infrastrukturor në Eritrea të ndërtuar nga rekrutët. U pa si prova e parë e një përpjekje të individëve dhe organizatave për të bërë përgjegjës BE për mënyrën se si shpenzon miliarda në Afrikë.

■Shtetet e Bashkuara parashikohet të përdorin më shumë energji të rinovueshme sesa qymyr për energji elektrike këtë vit, një moment historik i cytur nga pandemia. Kërkesa për energji elektrike ka rënë ndjeshëm dhe, për shkak se impiantet e qymyrit kanë tendencë të kushtojnë më shumë për të vepruar sesa alternativa më të pastra, shumë ndërmarrje po ndërpresin së pari energjinë nga qymyri.

THELLE

Synimi i Europës: Rihapja e kufijve në kohë për turizmin

Duke hedhur sytë nga turizmi veror, Komisioni Europian rekomandoi rihapjen e kufijve që u mbyllën për të ndaluar përhapjen e koronavirusit.

Udhëtimi për pushime ndërkufitare pritej të gjeneronte 1.3 miliardë euro në shpenzime për vitin 2020 para bllokimeve të kufijve. Në vendet anëtare të Jugut, të ardhurat e krijuara nga turizmi përbëjnë deri në 20 përqind të ekonomive.

Por rekomandimet nga Komisioni nuk janë detyruese. Dhe kufizimet mbeten në fuqi për Italinë dhe Spanjën, anëtarët më të goditur të bllokut. Kjo i lë vendet e Bashkimit Europian të krijojnë rregulla të arnuara nga një vend në tjetrin.

Ministri i Brendshëm gjerman Horst Seehofer tha se së bashku me Austrinë, Francën dhe Zvicrën, vendi i tij do të fillonte të lehtësonte kufizimet kufitare të shtunën, me qëllim heqjen e tyre plotësisht deri më 15 qershor.