■ Kreu i Partisë Demokratike, Lulzim Basha ka zhvilluar një takim me përfaqësuesit më të lartë të Dhomës së Tregtisë dhe Industrisë në Tiranë ku ka diskutuar mbi krizën ekonomike që ka ardhur si pasojë e pandemisë (Covid-19). Ai shprehet se menaxhimi i pandemisë dhe krizës ekonomike është dështimi më i madh i kryeministrit Edi Rama dhe nënvizon se opozita kë një plan konkret për rimëkëmbja ekonomike të vendit dhe rritjen e punësimit në vend.

■ Ish-deputeti demokrat Bardh Spahia akuzon ministren e Shëndetësisë Ogerta Manastirliu se po fsheh numrin e vërtetë të personelit shëndetësor të infektuar.Reagimi vjen përmes një shënimi në Facebook, ku ish deputeti shrkuan se deklarata e Ministrisë së Shëndetësisë se nga 35 anëtarë të personelit shëndetësor të testuar, vetëm 2 kanë rezultuar pozitivë, është një gënjeshtër skandaloze dhe e paturpshme.

■ Presidenti Meta ka bërë një koment kur edhe pak na ndajnë nga përfundimi i afatit për një marrëveshje për reformën zgjedhore.Në një status në Facebook, Meta ju kujton palëve politike të mbajnë premtimin. Presidenti argumenton se është me shumë rëndësi arritja e një marrëveshjeje në mënyrë që deputetët të mos heshtin më në parlament por të shprehin vullnetin e votës së lirë.

■ Partia Demokratike, përmes sekretarit të çështjeve ligjire ka paralajmëruar se do të dorëzojë nesër kallëzim penal për Teatrin, duke e cilësuar drejtësinë për këtë çështje provë për SPAK.

■ Sekretari i Përgjithshëm i Partisë Demokratike, Gazment Bardhi ka hedhur akuza ndaj kryeministrit Rama për shpërdorim të të ardhurave publike, duke përdorur 100.000 euro të shqiptarëve për charter personal, pavarësisht se vendi ndodhet në një situatë të vështirë për shkak të pandemisë së COVID-19.

■ Shtyhet me dy orë mbledhja e Këshillit Politik dhe grupit të ekspertëve të Reformës Zgjedhore. Bashkëkryetari i Reformës Zgjedhore, Damian Gjiknuri, deri në 19:00 për t’ju dhënë kohë palëve për arritjen e një konsensusi, ndërsa vijon komunikimi intensiv për arritjen e një marrëveshje.

■ Drejtori i Informacionit në Kryeministri, Endri Fuga i ka cilësuar të turpshme akuzat e Partisë Demokratike se kryeministri Rama shpenzon 100 mijë euro të shqiptarëve, duke shfrytëzuar avionin e Air Albania-s si charter personal për të kaluar fundjavën në Paris.

■ “Kam frikë se do të na duket lule 17 Maji”, kështu shprehet kreu i Bindjes Demokratike Astrit Patozi referuar Reformës Zgjedhore. Sipas Patozit, Edi Rama dhe Lulzim Basha do ta çojnë deri në fund dëshirën e tyre të qartë për të mos ndryshuar asgjë në këtë vend, për shkak të interesave të tyre politike dhe llogarive.

■ Një 65-vjeçar, i identifikuar si  Ylli Luçaj, është gjendur i vdekur në një pyll mes fshatrave Kuç dhe Qeparo. Nga hetimet e derimëtanishme policia bën me dije se viktima dyshohet të jetë vrarë me armë.

■ Vijon që prej orës 19:00 mbledhja e Këshillit Politik për të diskutuar çështjet e mbetura pezull të Reformës Zgjedhore. Opozita ka paraqitur kërkesat e saj në tavolinë. Pjesë e tyre është edhe kërkesa për një qeveri kujdestare 100 ditë para zgjedhjeve parlamentare si mjeti i vetëm që siguron asnjanësinë e institucioneve në zgjedhje.

■ “Përgjigja pa përgjigje”, kështu e ka cilësuar nënkryetari i Partisë Demokratike, Edi Paloka, reagimin e Drejtorit të Informacionit në Kryeministri, Endri Fuga, për udhëtimin e kryeministrit Rama drejt Francës, i cili tha se: “Kemi marreveshje te posacme me Air Albania per arsye pune, pa qellim fitimi”.

■ Pas më shumë se një ore bisedimesh me Damian Gjiknurin dhe Oerd Bylykbashin, takimit përfaqësuesin e SHBA-s iu bashkua edhe Petrit Vasili. Kështu mbledhja e Këshillit Politik të Reformës Zgjedhore u ndërpre për pak kohë. Mirëpo, kush është përfaqësuesi i SHBA, i cili përmes diskutimeve po bën përpjekjet e fundit, duke “nxitur” palët të arrijnë një konpromis?

■ Ka përfunduar pa asnjë rezultat mbledhja e Këshillit Politik për Reformën Zgjedhore. Pas 4 orësh diskutime, palët nuk kanë arritur dot të bien dakord për asnjë nga çështjet për të cilat kishin mosmarrëveshje duke tejkaluar kështu edhe afatin të cilin kishin vendosur.

■ Bashkëkryetari i Komisionit për Tryezën Zgjedhore, Damian Gjiknuri në një komunikim për mediat pas përfundimit të takimit u shpreh se qeveria ka pranuar shumë kërkesa të opozitës, por shkak për mosarritjen e një marrëveshje janë bërë kërkesat e shtesë të minutave të fundit nga ana e tyre. Sipas Gjiknurit, Kodi Zgjedhor duhet të mbyllet brenda këtij sesioni parlamentar dhe se mazhoranca i ka votat edhe pa opozitën për të kaluar reformën zgjedhore në parlament.