Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Me 25

Politiko 24 Korrik 2017, 09:54

Arvit Bushati*

Ne, si familje, brenda nesh, mund të kemi kontradiktat tona në bazë të asaj sesi e mendojmë apo analizojmë të tashmen, dhe sesi mendojmë se duhet të mësohemi dhe të përgatitemi për të reaguar për të ardhmen.

Brenda nesh mund të ketë pretendime, këmbëngulje apo sugjerime sesi ne duhet të gjejmë rrugën e duhur.

Nevoja për të gjetur rrugën e duhur vjen sidomos në ato raste kur me të vërtetë jemi në udhëkryq.

Unë, si qënie politike brenda një familjeje të madhe siç është Partia Demokratike, shpesh herë në mendjen time kam patur shumë dilema në lidhje me atë se çfarë duhet të percjellim te njerëzit; mesazhin tonë.

Si një person i rreshtuar politikisht, argumentimi nga ana ime, nëse u blenë a nuk u blenë zgjedhjet, edhe mund të keqkuptohet, por duke dashur të jem sa më bindës provoj t'i analizoj faktet duke i përballur ato me planin e Partisë Demokratike.

-130 000 janë shqiptarët që janë të regjistruar në kampe në mbarë Bashkimin Europian 4 vitet e fundit. Medoemos numri i vërtetë i shqiptarëve të cilët kanë marrë rrugët e BE është edhe më i madh, kur paramendohet se shumë nga ato vazhdojnë të qëndrojne të pa regjistruar.

Përballë këtij fakti, Republika e Re e iniciuar si ide dhe dëshirë nga nevoja imediate e kombit dhe e bërë realitet për të frymëzuar dhe për të përfaqësuar qindra e mijëra shqiptarë nga Partia Demokratike, ofron si një antitezë të absurdit të mësipërm, ku mijëra shqiptarë zgjedhin të emigrojnë, planin për të ulur TVSH nga 20% në 15 % së bashku me implementimin e taksës së sheshtë 9%, e cila do e kthente vendin tonë në kushte konkuruese me ekonomitë e rajonit duke u rikthyer në një vend tërheqës për kompanitë e mëdha.

Vetëm ky plan, së paku do rikthente mbi 400 milion euro në vit në xhepat e shqiptarëve dhe do garantonte hapjen e mijëra vendeve të reja pune.

-30 000 janë shqiptarët të cilët janë përndjekur deri në arrestime me burg, kur nuk kanë munguar edhe raste të cilët kanë shkuar edhe në vetëvrasje, apo janë ndjekur penalisht për mospagimin e energjisë elektrike, për ndërtime pa leje apo për arsye të tjera të rëndomta.

Përballë këtij fakti, PD ka qëndruar fort për 4 vite edhe pse është përdorur teza që demokratët nuk duan shtet, por ajo çfarë demokratët propozuan ishte paketa ku 300 kW do ishin falas për çdo familje në nevojë, ofertë kjo e cila do i garantonte çdo shqiptari në nevojë minimumin jetik për të përballuar nevojat familjare.

-Ligji i Arsimit të Lartë, i cili aspak nuk përbënte garanci për studentët,i akuzuar si klientelist edhe brenda radhëve të koalicionit bashkëqeverisës, i cili i shoqëruar me amullinë e Ministrisë së Arsimit solli një faturë jo të vogël, duke privuar nga auditorët e universiteteve mijëra të rinj e të reja. Një fatkeqësi kombëtare!

Përballë këtij fakti, Republika e Re premtoi që ditën e parë do anullonte këtë ligj, duke vazhduar edhe më tej me një plan konkret dhe të përgjegjshëm i cili i garantonte një pagesë prej 200 mijë lekë të vjetra për 12 muaj për 10 000 studentë çdo vit, masë kjo e cila do ndihmonte 10 000 stazhierë çdo vit për të gjetur veten në tregun e punës.

-Rritja e pensioneve, aq sa nuk e mbulon as mesataren e rritjes së çmimeve duke bërë që jetesa për 600 mijë pensionistë të jetë më e shtrenjtë, shoqëruar edhe me dështimin e plotë të mjekësisë falas e cila më shumë se askund rëndon mbi këtë shtresë.

Përballë faktit të mësipërm, Republika e Re shfaqi planin e saj që për 4 vitet në vijim do dyfishonte pensionet për rreth 600 mijë pensionistë duke shërbyer direkt me një ndihmesë edhe në ekonominë familjare.

Këto janë së paku diferenca mes asaj çfarë është dhe çfarë do të ishte Shqipëria.

Ne e dimë, biles e kemi edhe të faktuar, por përballë atyre më skeptikëve u mundova t'i përball në mënyrë të tillë me faktin dhe planin, në mënyrë që të jenë lehtësisht të krahasueshme me njëra-tjetrën.

U blenë?

Ajo më së miri vetëkuptohet në koshiencën e secilit, por në respekt të kombit të gjithë duhet të kenë një raport më të mirë me të vërteten, së pari duke e pranuar atë.

P.S

Diçka për vrullin!

E kam fjalën për vrullin, i cili me tërbim u lëshua kur akoma procesi nuk e kishte thënë fjalën e fundit.

Në vendin tonë të qenurit të moderuar, me etikë përballë kundërshtarit (edhe pse një sjellje e kulturuar), shpesh herë merret si shenjë dobësie nga masa e gjerë, por të qenurit të pamoderuar, pa pikë etike, jo bashkëpunues brenda familjes edhe pse gjithë kohës pa i hequr duart nga xhepat duket utopike.

Për ne demokratët nuk është qëllim personal të jemi apo të vijmë në pushtet medoemos.

Qëllim për të gjithë ne është të zgjidhemi në masë si përfaqësues të popullit në bazë të asaj çfarë jemi, çfarë shprehim dhe sa përfaqësojmë besimin e tyre.

Gjithsesi temperaturat e zjarrta që stina po na ofron do shërbejnë në shkrirjen dhe nxjerrjen jashtë të mllefit.

I vetmi që duhet të jetë i trembur nga mllefi i demokratëve është Edi Rama.

*Autori është kryetar i FRPD Shkodër.