Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Meço: Nëse Europa reformohet, a e kemi më luksin të qëndrojmë në krizë e tranzicion?

Politiko 27 Maj 2019, 11:26
Meço: Nëse Europa reformohet, a e kemi më luksin të

Gazetarja dhe moderatorja Sonila Meço ka komentuar rezultatet e para të zgjedhjeve në Parlamentin Europian, nisur edhe nga pritshmëritë mbi progres raportin e Komisionit Europian për Shqipërinë.

Ky raport pritet të bëhet publik këtë të mërkurë. Në një reagim në rrjetet sociale, Meço ndalet kryesisht te ndikimi mbi Shqipërinë nëse “Europa reformohet nën gjurmimin e euroskeptikëve e nacionalistëve”.

“Të mërkurën del progres raporti i Komisionit Europian për Shqipërinë.

Të mërkurën finalizohen rezultatet për zgjedhjet në Parlamentin Europian.

Sipas projeksioneve paraprake, zgjedhjet dëshmuan një shumicë pro Europiane, por me një zhvendosje pushteti nga partitë tradicionale të qendrës së majtë e të djathtë, tek forca të tjera të qendrës, si të gjelbrit e liberalët. Pa ata, nuk mund të ketë shumicë solide Pro Europiane. Dhe këta të fundit, “kingmaker”-at e aleancës proeuropiane, sapo deklaruan ndryshime radikale për një Europë demokratike dhe të qëndrueshme.

Thënë ndryshe, Europë po!

Si deri më sot, jo!

Dhe një kujdes i jashtëzakonshëm përballë çerekut të parlamentit me euroskeptikë dhe nacionalistë.

Ndaj progres raportet dhe vendimet për zgjerimin do kalojnë në lupa nga njerëz të rinj e me mendësi të reja. Në maxhoranca jo më tradicionale.

Çfarëdo del nesër në progresraport, nuk thotë asgjë për perspektivën e negociatave për Shqipërinë.

S’ka më Knut që bën derman.

Por nëse Europa reformohet, kërkon ndryshime radikale, nën gjurmimin e euroskeptikëve e nacionalistëve a kemi ne më luksin të qëndrojmë në krizë e tranzicion?”, shkruan gazetarja.

Të fundit