Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Media gjermane: Fundi i Ramës i njëjtë me të Maduros; numërimi mbrapsht sapo ka nisur

Politiko 22 Shkurt 2019, 20:15

Kriza politike që po kalon vendi, tani më ka kaluar përtej kufijve. Reagimet e ambasadorëve në Tiranë janë pasuar edhe me deklarata nga përfaqësitë perendimore, ku mes tyre është edhe Berlini zyrtar, që në një deklaratë u shpreh kundër një vendimi të tillë. Megjithatë, qëndrim ndryshe ka portali gjerman freiewelt.net, që ka publikuar një analizë me titullin: “Qeveria Socialiste e Edi Ramës në Shqipëri nën presion masiv”.

Media që konsiderohet si zëri i së djathtës gjermane, krahason qeverinë socialiste me regjimin e Nikolas Maduros në Venezuelë, që është izoluar nga Europa dhe Amerika dhe nuk njihet më si President i vendit latin me 39 milionë banorë.

“Në Amerikën e Jugut, regjimi socialist i Nikolas Maduros është drejt fundit. Maduro po mbahet në pushtet vetëm me dhunë. Edhe në Evropë, një regjim socialist po shkon drejt fundit. Në Shqipëri duket se janë orët e fundit në detyrë për kryeministrin Edi Rama. Gjithmonë e më shumë njerëz po dalin në rrugë në kryeqytetin e vendit duke kërkuar dorëheqjen e tij. Një aleancë e gjerë e forcave opozitare nga të gjitha kampet politike është mobilizuar kundër Ramës. Fundjavën e kaluar, demonstruesit sulmuan edhe selinë e Ramës. Vetëm duke përdorur masivisht gaz lotsjellës dhe granata të përziera, forcat e sigurisë e morën sërish situatën nën kontroll”, shkruan freiewelt.net.

“Edhe në nivelin politik, opsionet e Ramës po mbarojnë. Shumë deputetë të opozitës kanë dhënë dorëheqjen nga parlamenti shqiptar. Kështu ka dalë jashtë funksionit edhe parlamenti. Megjithatë, ky hap kritikohet nga përfaqësuesit e BE. Shqipëria është një vend kandidat për pranimin në BE dhe negociatat duhet të fillojnë këtë vit. Nga ana e BE është bërë thirrje për dialog konstruktiv. Opozita në Shqipëri ka një tjetër pikëpamje: Rama duhet të japë dorëheqjen. Qeveria e tij është e korruptuar dhe ka lidhje me krimin e organizuar një qeveri ekspertësh duhet të formohet menjëherë, për ta stabilizuar vendin dhe për të organizuar zgjedhje të reja. Protestat nuk do ndalen deri në dorëheqjen e Ramës”, përfundon analiza.

Krahasimi i Ramës me regjimin e Maduros u artikulua edhe në protestën e djeshme nga kryetari Lulzim Basha, që u shpreh para qytetarëve së nuk do të lejojmë që Shqipëria të jetë një Venezuelë e sytë mes Europës. “Shteti është kapur nga krimi dhe njeriu që u del përpara si kryeministër është Maduro i Ballkanit. Kjo nuk është Venezuelë, kjo është Shqipëria në mes të Evropës. Nuk do të lejoj kurrë që Kushtetuta të kthehet në një letër higjenike nga një kriminel që paraqet më të zezat, llumin e shoqërisë”.