Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Menuja e re në çerdhe e kopësht, Blerina Bombaj sqaron prindërit: S’jam dakord për mungesën e peshkut! Mediat duan klikime

Politiko 24 Shkurt 2018, 18:54

Hartimi i menusë në çerdhe dhe kopsht nga dietologia Blerina Bombaj ngjalli debate të shumta në media, por dhe reagimin e prindërve të cilët e konsideruan si të papërshtatshme për fëmijët e tyre.

Bombaj, e ftuar në emisionin “Kjo Javë” në News 24, u është përgjigjur pyetjeve të prindërve të cilët i kanë shkruar gazetares Nisida Tufa.

“Është një regjim ushqimor i mirëndërtuar sipas rekomandimeve të OBSH-së. Këtu ka plotësim të gjithë nevojave ushqyese. Vitamina C, hekuri, acidi folik, që ndihmojmë në parandalimin e anemive. Nuk ka reduktim ka plotësim të nevojshëm. Pse të marrë një fëmijë më shumë se duhet? Le të marrë aq sa i duhet” u shpreh Bombaj.

Më tej Bombaj shtoi se në menunë e propozuar nga vetë ajo ka qenë dhe peshku, por menuja është ndryshuar.

“Unë nuk jam dakord që nuk u vendos peshku, por nuk ishte zgjedhja ime, m’u propozua. Menuja nuk është vegane. Mishi është vendosur përditë tek latantët 6 deri në 12 muajsh që kanë një rritje më të vrullshme se mosha më e madhe. Anemia është më e shpeshtë në këtë moshë. Nga 1 deri në 12 vjeç nuk janë aq shumë prioritet nevojat për hekur. Por hekur kanë dhe ushqime të tjera bimore, jo vetëm mishi".

E pyetur se përse ndryshimi i menusë nuk u bë gradualisht por njëherësh, Bombaj u përgjigj, “Unë do të thosha që nëse vendosim një menu japoneze, alga, ose speca djegës e kuptoj që është ndryshim drastik. Çfarë ka të jashtëzakonshme veç tërshërës, një herë në javë? Fëmijët nuk kanë nevojë për një masë të bluar që nuk e di se çfarë ka brenda.

Sa i përket fëmijëve që nuk pëlqejnë tërshërën, dietologia tha se ka gjithmonë një zgjedhje të dytë. Bombaj më tej shtoi se detyra e saj është të tregojë se ku është bazuar te zgjedhja e ushqimit dhe pse.

Ndërsa sa i përket reagimeve të ashpra në media, Bombaj shtoi, “Ky është një problem shumë i madh pasi mediat kanë dashur klikime. Dhe gjithmonë një lajm negativ klikohet më shumë sesa një lajm pozitiv. Ne e kemi për detyrë dhe ju e keni për detyrë që të vendosni norma të caktuar.

Më tej, Bombaj shprehet se ka qenë nevoja për zhvillimin e një fushate paraprake ku të informoheshin prindërit në lidhje me ndryshimet në menunë e fëmijëve, por sipas dietologes, “kjo është është përgjegjësi e institucioneve”.

Bombaj sqaron po ashtu se trahanaja dhe tërshëra nuk janë pjesë e një diete të caktuar.

“ Sa i përket trahanasë dhe tërshërës nuk janë pjesë e një diete të veçantë në asnjë dietë. Greqia e quan trahananë një ushqim autokton. Ndërsa tërshëra, është një nga drithërat më ideale, që ndikon deri te mirëqena e trurit. Edhe sipas studimeve, fëmijët që kanë konsumuar tërshërë kanë patur një mbarëvajtje më të mirë.

Tërshëra është një drithër që ka kalori sa drithërat e tjerë, ka hekur, ka atë që e ka më të çmuar, fibra të cilat kanë efet në aparatin tretës të fëmijëve që janë shumë të rëndësishëm për imunitetin tonë. Ka vlerë të jashtëzakonshme si produkt”, shtoi më tej Blerina Bombaj.