Merret në pyetje në Hagë, flet pas intervistimit Ramush Haradinaj: Nuk e di pse jam i dyshuar

Ka përfunduar intervistimin e parë në Gjykatën Speciale të Hagës ish kryeministri i Kosovës, Ramush Haradinaj.

Pas intervistimit, Haradinaj ka folur për mediat, duke pohuar se po ndjek këshillën ligjore për të mos dhënë detaje mbi atë që është zhvilluar gjatë intervistës.

“Jam paraqitur si i dyshuar për të kryer obligimin ligjor në bazë të një ftesë të dhoma të specializuara. Kam pranuar këshillën ligjore që mos me u përgjigjem fare në pyetje. Unë kam kryer obligimet e mia ndaj gjykatës. Janë procedura ligjore,  jo për me fsheh diçka, por nuk ka ndonjë përmbajtje që jam njoftuar me diçka, nuk e di pse jam i dyshuar. Roli në UÇK, por jo diçka në përmbajtje”, tha Haradinaj.

Lidhur me këtë çështje, Haradinaj dha dorëheqjen si kryeministër i Kosovës të premten që shkoi.