Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mësuesit rezultuan pozitiv me COVID-19, rikthehet mësimi online në shkollën “Faik Konica”

Politiko 27 Shtator 2020, 13:13
Mësuesit rezultuan pozitiv me COVID-19, rikthehet mësimi online

Nxënësit në shkollën fillore “Faik Konica” në Prishtinë, do t’i rikthehen mësimit online, pasi katër mësues të këtij institucioni arsimor, kanë rezultuar pozitivë me koronavirus.

Lajmi u bë me dije nga ministri i Shëndetësisë në Qeverinë e Kosovës, Armend Zemaj, i cili tha se, në bazë të rekomandimit të Institutit Kombëtar të Shëndetësisë Publike të Kosovës (IKSHPK), mësimi me prezencë fizike të nxënësve në shkollën “Faik Konica” do të ndërpritet për dy javë.

“Nga hulumtimi dhe mbikëqyrja e situatës epidemiologjike, IKSHPK ka bërë testimin e të gjithë arsimtarëve, katër prej të cilëve rezultuan pozitivë me COVID-19”, ka shkruar Zemaj në rrjetin social Facebook.

Më herët gjatë këtij muaji, në shkollën fillore “Mustafë Venhari” në Komunën e Vushtrrisë, tetë nxënës nën moshën 10 vjeç dhe tetë mësues, rezultuan pozitivë me COVID-19.

Pas kësaj, institucionet rekomanduan që mësimi në këtë shkollë të kalojë onlinë.

Ministria e Arsimit ka paraparë që në këtë vit shkollor, mësimi të realizohet përmes tre skenarëve. Skenari A ka të bëjë me zhvillimin e mësimit në ambientet shkollore. Skenari B, apo mësimi i kombinuar përfshin rikthimin e pjesshëm të nxënësve në shkolla (prezencë e nxënësve në shkolla, e kombinuar dhe me mësimin në distancë) dhe skenari C është mësimi në distancë ose online.

Viti i ri shkollor në institucionet para-universitare në Kosovë, ka filluar më 14 shtator, me prezencë fizike të nxënësve në shkolla, por duke respektuar rekomandimet për mbrojtjen nga pandemia.

Të fundit