Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Meta: 13 tetori është një datë e pashmangshme, ftesë partive të marrin pjesë në zgjedhje

Politiko 1 Gusht 2019, 13:55
Meta: 13 tetori është një datë e

Ashtu siç lajmëroi pak më herët, Presidenti Ilir Meta ka dalë në një konferencë për mediat nga mjediset e presidencës.

Duke folur për krizën në vend Meta theksoi se ’30 qershori’ ishte i paligjshëm dhe se e vetmja datë për zgjedhjet është 13 tetori.

Më tej Presidenti apeloi partitë politike të marrin pjesë në zgjedhjet e tetorit dhe i bëri thirrje kryeministrit Rama që të reflektojë.

“Ju e keni të qartë që situata në vend nuk është e zakonshme. Kjo është për të gjithë shqiptarët. Së dyti, ekziston vetëm 13 tetori, është një datë që e kemi vendosur bashkë.

Unë besoj se 100 përqind e shqiptarëve e përkrahsin këtë. Integrimi evropian është çështje standardesh. Dua të theksoj vendosmërinë për të evituar përshkallëzimin e kësaj krize.

Në 30 qershor nuk ka pasur zgjedhje të ligjshme në Republikën e Shqipërisë. Zgjedhjet Kushtetuese janë në 13 tetor. Arsyet besoj se i dini, është data më e afërt, që garanton përfshirjen  e forcave politike. Natyrisht që kriza nuk është vetëm vendore, është një krizë më e thellë. Kam menduar që zgjidhjet ti japin qytetarët. Kjo është dëshira ime. Ata mendojnë që parlamenti është  në një situatë normale, le të vazhdojnë. Ajo që dua të nënvizoj është se 13 tetori është një ditë e pashmangshme. Askush s’ duhet të ketë iluzione.

Çdo vendim i gjykatës kushetuese do të ketë efekt për të ardhmen. Nuk e kthejmë dot 30 qershorin e këtij viti si një mundësi për zgjedhjet. Jemi në kushtet e fillimit nëse nuk fillohet menjëherë. E ftoj edhe njëherë Ramën të reflektojë, të mos pengojë procesin zgjedhor. Ftoj të gjitha forcat politike që të regjistrohen në zgjedhje”-tha Presidenti Meta.

Të fundit