Pas ftesës për opozitën e bashkuar, presidenti i Republikës Ilir Meta pritet që të takojë edhe personazhe të tjera të jetës publike dhe politike në vend. Kreu i shtetit pritet që të takohet edhe me Këshillin e Ambasadorëve Shqiptarë. Ai dëshiron që të ndajë edhe me ta shqetësimin që ka për situatën e rëndë që vendi po kalon dhe për mosfunksionimin e shtetit ligjor, i cili sjell pasoja mjaft të dëmshme për Shqipërinë.
Si rrallë ndonjëherë, Meta sipas burimeve do të ftojë edhe fondacionin e shoqërisë së hapur “Soros”, për takim javën që vjen. Me ta do të flasë për puçin në Gjykatën Kushtetuese, e po ashtu takime do të ketë edhe me përfaqësues të shoqërisë civile, të angazhuar me Reformën në Drejtësi.
Aktualisht situata është mjaft e tensionuar midis dy institucioneve, Presidencës dhe Parlamentit, me kreun e shtetit që ka kërcënuar se me një dekret do ta shpërndajë kuvendin.
Takimin ai opozitës së bashkuar ia kërkoi mundësisht përpara ditës së mërkurë, datë 20.11.2019. Ndërkohë që pritet që edhe takimi me këshillin e Ambasadorëve Shqiptarë të kryhet përpara kësaj date.
Zëdhënësi i presidentit Tedi Blushi deklaroi se do të ketë takime me liderët e opozitës së bashkuar, e kjo do të sjellë edhe vendime të rëndësishme në vazhdim.
Discussion about this post