Meta takim me përfaqësuesit e bashkësisë izraelito-shqiptare

Presidenti Ilir Meta pati një takim me përfaqësues të bashkësisë izraelito-shqiptare në Jeruzalem ditën e sotme.

“Shumë i lumtur nga takimi i ngrohtë dhe i përzemërt në Jeruzalem me përfaqësues të bashkësisë izraelito-shqiptare, që jetojnë dhe punojnë prej dekadash në Izrael. I falënderova për kontributin e tyre të shkëlqyer për forcimin e marrëdhënieve midis dy vendeve dhe popujve tanë. “, shkroi Meta në profilin e tij.

Prej disa ditësh ai ndodhet në Izrael, ku ka zhvilluar takime të rëndësishme me drejtuesit e vendit.