Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Moti i keq, Xhaçka thirrje qytetarëve: Evitoni daljet e panevojshme gjatë 48 orëve

Politiko 9 Janar 2019, 17:07
Moti i keq, Xhaçka thirrje qytetarëve: Evitoni daljet e panevojshme

Ministrja e Mbrojtjes, Olta Xhaçka, në një dalje për mediat, bëri të ditur se qarqet më të prekur nga moti i keq që ka përfshirë vendin janë Shkodra, Kukësi, Korça, Gjirokastra, Dibra dhe Elbasani.

Xhaçka tha se situata pritet të jetë e njëjtë edhe për 24 orët e ardhshme teksa shtoi se akset rrugore kombëtare janë të gjitha të qarkullueshme, me përjashtim të aksit rrugor Tepelenë–Gjirokastër, i cili është përkohësisht i bllokuar në vendin e quajtur Uji i Ftohtë, si dhe një pjesë në aksin Gjirokastër-Kakavijë.

Duke bërë të ditur masat e marra, ministrja e Mbrojtjes u kërkoi qytetarëve që gjatë 48 orëve të ardhshme të shmangin daljet e panevojshme.

“Siguria juaj është misioni ynë parësor. Ndaj do të kërkonim të evitonit daljet e panevojshme nga shtëpitë gjatë këtyre 48 orëve.

Për të gjithë ju, që keni nevojë për asistencë, duhet t’i drejtoheni ambienteve të përshtatshme të ngritura nga pushtetit vendor në raste emergjencash, të telefononi në numrat e emergjencave 126, 127, 128 dhe 129 ose tu drejtoheni shtabeve të emergjencave në qytetet tuaja”, u shpreh Olta Xhaçka.

 

Të fundit