Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A mund të shpëtohet Shqipëria nga qeveria e narkotrafikut?

Politiko 5 Qershor 2017, 15:50

A mund të shpëtohet Shqipëria nga qeveria e narkotrafikut?

Besart Kadia i cili mban postin e Drejtorit Ekzekutiv të Fondacionit për Liri Ekonomike, ka bërë një artikull në të cilën përmbledh situatën ekonomike dhe politike në të cilën është gjendur vendi ynë që nga nisja e koalicionit qeverisës PS-LSI.

Referuar dhe burimeve nga Freedom House Kadia thekson se është Shqipëria, e cila ndodhet mes 100 vende në botë që janë në mes të një regjimi autoritar dhe një demokratik, ka ndërmarrë një hap të paparashikuar prapa në rrugën drejt demokracisë së plotë.

Shkrimi:

Liria ka qenë në rënie në të gjithë botën për më shumë se një dekadë. Sipas raportit më të fundit të Freedom House, "2016 shënoi të 11 vit radhazi të rënies së lirisë globale" dhe se "forcat populiste dhe nacionaliste po bëjnë përfitime të konsiderueshme në shtetet demokratike".

Sipas raportit ekzistojnë më shumë se 100 vende në botë që janë në mes të një regjimi autoritar dhe një demokratik. Një vend i tillë është Shqipëria, e cila ka ndërmarrë një hap të paparashikuar prapa në rrugën drejt demokracisë së plotë. Dikur vendi më i izoluar në botë, sot Shqipëria është një vend kandidat për anëtarësim në BE.

Freedom House i ka dhënë Shqipërisë të njëjtin status "pjesërisht të lirë" që kur Partia e Re Socialiste erdhi në pushtet në vitin 2013. Sipas metodologjisë së Freedom House, nga të drejtat politike dhe liritë civile u arritën vetëm tre nga shtatë. Gjërat janë përkeqësuar. Që atëherë, vendi ka përjetuar një humbje të besimit në përfaqësimin demokratik.

Zgjedhjet lokale të vitit 2015 u mbajtën me një manipulim të turpshëm nga qeveria. Falë ndryshimeve, koalicioni socialist fitoi 74 për qind të komunave pavarësisht se mori vetëm 54% të votës popullore. Freedom House raportoi se kishte "presion mbi votuesit nga politikanët, probleme me operacionet e komisionit zgjedhor dhe përdorimin jo të duhur të burimeve qeveritare nga koalicioni qeverisës gjatë fushatës".

Partia e opozitës e udhëhequr nga z. Lulzim Basha bojkotoi parlamentin për gjashtë muaj në vitin 2015 duke deklaruar se qeveria kishte promovuar "narkotrafikantët, vrasësit, si deputetë, kryetarë të komunave dhe zyrtarë të lartë qeveritarë". Në shumicën e demokracive perëndimore, partitë politike kontrollojnë të shkuarën e kandidatëve të tyre, duke zhdukur ato më pak të ‘shëndetëshmet’. Megjithatë, në Shqipëri ishte e nevojshme një ligj i kontradiktë i dekriminalizimit i cili u miratua në dhjetor 2015 për t'i përjashtuar njerëzit me dosje penale nga mbajtja e postit publik.