Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Mungesë kreativiteti apo nostalgji për muzikën e vjetër? Këngëtarët shqiptarë që kanë risjellë këngët ikonike

Politiko 11 Qershor 2018, 18:48

Mungesë kreativiteti apo nostalgji për muzikën e vjetër?

Një strategji e re shihet tek këngëtarët shqiptarë vitet e fundit. Këngët e vjetra të risjella në rrymën që lëvrojnë, është një burim për hitet e reja. Një strategji e tillë e kanë nisur të parët artistët e huaj dhe kështu është huazuar dhe nga artistët shqiptarë.

Disa nga këngëtarët që i kanë risjellë hitet e viteve 80-90 janë rritur me këto këngë dhe kanë parë këtë mënyrë për të tërhequr dhe publik të vjetër. Nostalgji apo mungesë kreativiteti? Për këtë s`mund të dalim në konkluzione por rikthimi i këngëve të vjetra është një strategji që po funksionon.

“Era” nga Mc Kresha, origjinali nga grupi “Gjurmët”

Mc Kresha risolli këngën “Era”, kënduar vite më parë nga grupi “Gjurmët” . Kujtojmë se një ditë para se grupi legjendar të jepte koncertin në ‘Pallatin e Kongreseve’, Mc Kreshi surprizoi të gjithë me “Erën” në versionin hip-hop, që arriti të kishte pëlqime dhe nga jo-fansa të Kreshës.

Era Istrefi ‘dehet’ me Nexhmije Pagarushen

Fenomeni Era Istrefi, para se të arrinte suksesin ndërkombëtar, erdhi për publikun shqiptar me këngën “E dehun”. Ajo risolli këngën ikonike të Naxhmije Pagarushës në stilin e saj të veçantë, ku një pjesë e tekstit thotë: ‘Tash për çdo natë pi raki edhe ven’.

Dehjes së Nexhmijës ‘nuk i shpëton’ as Getoar Selimi dhe Flori Mumajesi

“Dashni me raki”, kënga më e re e e Florit dhe Getoarit, në një pjesë të tekstit ka huazuar disa rreshta nga po e njëjta këngë e Nexhmije Pagarushës:

“I dehun jam, këmbët s`më mbajnë.”

Capital T me ‘Hatixhen’ e Hamide Sadikut

Kjo nuk është hera e parë që Mixey bën remix një këngë të vjetër kosovare. Kësaj radhe u bashkua me Capital T dhe risollën “Hatixhe, kënduar në vitin 1971 nga Hamide Sadiku. Jë këngë folklorike shumë e famshme në atë kohë. Remix-i i Capital T ishte ndër më të dëgjuarat verën e shkuar.

Lumi B dhe Dhurata Dora risjellin “Simpatia” e Edona Llalloshit

Kush e mban mend, Edona Llalloshi arriti të depërtonte tek publiku shqiptar me këngën “Simpatia”, një bashkëpunim me Memli Krasniqin që konsiderohet një nga hitet më të pëlqyera në vitet 2000. Po me bashkëpunim u risoll kjo këngë. Lumi B dhe Dhurata Dora u bënë bashkë për të sjellë në versionin e tyre “Simpatinë” e Edonës. Një sukses i padiskutueshëm që arriti të merrte miliona klikime brenda disa ditëve.

Eni Koçi dhe Genc Prelvukj sjellin sërish “Shi bie në Tiranë” të Fitnete Tudës

“Shi bie në Tiranë” një nga këngët ikonë e kënduar 20 vite më parë nga Fitnete Tuda. Një këngë që ka ngelur në kohë dhe ka arritur deri në veshët e brezave të rinj. U risoll nga Eni koçi dhe Genc Prelvukaj.

Bujar Qamili risjellë këngën e tij në bashkëpunim me moderatoren seksi, Luana Vjollca

Luana Vjollca ka bërë artistin Bujar Qamili të risjellë këngën “Mi dhe flakë mallit tim”. Ndryshe nga remix-et e tjera të këngëve të vjetra, kësaj radhe vetë autori i këngës ka risjellë këngën e tij bashkë me Luana Vjollcën. Kërkesa për këtë bashkëpunim ka qenë nga ana e moderatores. Dhe brenda tre ditëve ka afro 1 milion e gjysme klikime.

Trim Jetullahu me “Lule Blini”

Kush nuk ka kërcyer me “Moj lulja e blinit” të Fatmire Brecanit? I madh e i vogël, nga jugu në veri, kjo këngë është dëgjuar nga të gjithë. Kështu që Trim Jetullahu e riktheu këtë këngë sërish për publikun shqiptar. Gjatë gjithë këngës është në sfond dhe refreni i kënduar nga Fatmira Brecani. Kënga aktualisht ka mbi 5 milion klikime.