Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Murrizi fton Topallin të bëhet pjesë e partisë së tij: Kemi kaluar peripeci të llahtarshme

Politiko 9 Shtator 2020, 18:56
Murrizi fton Topallin të bëhet pjesë e partisë së tij:

Deputeti Myslim Murrizi ka deklaruar se do të kontaktojë ish-kryeparlamentaren Jozefina Topallin për t'u bërë pjesë e partisë së tij "Lëvizja Demokratike Shqiptare".

Murrizi e ka konsideruar Topallin mikeshë, por tha se nuk do të kontaktojë vetëm atë, por të gjithë ata që duan t'i bashkohen atyre që kërkojnë pushtet me votë, e jo me rrotë

"Nuk kam hasmëri politike, ajo ka qenë mikeshë e imja, kemi kaluar peripeci të llahtarshme, pse jo do të përpiqem të kontaktoj jo vetëm Topallin, por me të gjithë ata që duan t'i bashkohen atyre që kërkojnë pushtet me votë, e jo me rrotë", tha Murrizi në Report tv.

Lidhur me "zhgënjimin" nga deputetja Rudina Hajdari, e cila nuk do të jetë pjesë e tyre por e Nismës Thurrje, Murrizi tha se ligjvënësja në asnjë moment nuk i kishte premtuar se do shkonin bashkë në zgjedhje.

"Një zhgënjim i atij (Halit Valteri) jo i imi, me idenë që kemi qëndruar së bashku për kauzën e hapjes së listave, jo vetëm me Hajdarin. Tani duhet të ndahet gjithsecili të mirë e tij. S'na kishte premtuar se do ishim bashkë në parti. Unë iu kam thënë do organizojmë një lëvizje me një sigël partie, që të mos spekulojmë me të qenit deputet dhe të kandidojmë në 12 qarqe. Hajdari nuk ka qenë e prirur për të qenë pjesë e lëvizjes së përbashkët", tha Murrizi.

Për zgjedhjet e 25 prillit, ai iu premton qytetarëve se do të jenë më të fortë në Kuvend, teksa nuk e ka përjashtuar mundësinë e një koalicioni pas zgjedhor.

"Do të kandidojmë në 12 qarqe me 140 kandidatë me lista të hapura. Do të jemi më të fortë në Kuvend, hapja e listave është një sukses i yni. Kushtetuta nuk ndryshohet më. Luli dhe Rama inshAllah po i mbyllin listat, nëse mendojnë se mund të vijnë në pushtet me militantë, i ftoj shqiptarët që të votojnë forcat e tjera politike që do jenë në garë me 100% lista të hapura. Nuk i përjashtoj koalicionet pas zgjedhjeve", shtoi ai.

Të fundit