Kryetari i Lidhjes Demokratike të Kosovës Isa Mustafa, ka reagur pas deklaratës së Shteteve të Bashkuara të Amerikës, se nuk ka asnjë plan të fshehtë për shkëmbim territoresh mes Kosovës dhe Serbisë.
Në deklaratën e tyre theksohej se “SHBA është pranë qytetarëve të Kosovës”
Në një koment në Facebook, Mustafa shkruan se të dështuarit që fajësuan SHBA-të për pazotësinë e tyre, sot duhet t’u kërkojnë falje të gjithë qytetarëve të Kosovës.
Duke ironizuar Albin Kurtin, Mustafa shprehet se “kjo është prova më e mirë që dëshmon se ata ikën nga pushteti si pasojë e pazotësisë dhe jo nga frika për copëtimin e Kosovës”
Komenti i plotë
”Të dështuarit që fajësuan SHBA-të për pazotësinë e tyre, sot duhet t’u kërkojnë falje të gjithë qytetarëve të Kosovës dhe miqve tanë për konstruksionet e servuara parreshtur dhe fyerjet e paskurpullta të drejtuara ndaj LDK-së dhe figurave të saj.
Kjo është prova më e mirë që dëshmon se ata ikën nga pushteti si pasojë e pazotësisë dhe jo nga frika për copëtimin e Kosovës. SHBA sonte demantuan spekulimet se ekziston një plan sekret për shkëmbim të territorit! IM”
Financuar Nga Bashkimi Europian
