Mustafaj këshillon shumicën dhe opozitën: Uluni e dialogoni, ose prisni furtunë nga jashtë

Analisti Besnik Mustafaj, këshillon aktorët politikë në vend që të ulen e të dialogojnë për të gjetur zgjidhjen e krizës politike, në të kundërt me ndërhyrje nga jashtë do ta pësojnë që të gjithë. Kjo mund të shkojë deri aty sipas tij, sa mund të fshihen si shumica, ashtu edhe pakica.

“Mendoj se nuk ka zgjidhje pa dialog, sa më shpejt të vinte dialogu, aq më e lehtë do të ishte dhimbja për shqiptarët. Ose do të presim zgjidhje nga jashtë, dhe kjo do të ishte një furtunë që do të fshinte të dyja kahet politike. Nuk ka sinjale për dialog. Deklaratat e Ramës me letër nuk janë ftesë për dialog. Ta ftosh tjetrin për dialog dhe të përpiqesh ta përqeshësh, ta injorosh, nuk janë këto ftesa dialogu. Raporti nuk është furtunë në gotë uji, por duhet marrë shumë seriozisht.

Dialogu ka disa etapa, e para është diagnostikimi bashkë i situatës për të arritur një emërues të përbashkët të zgjidhjeve. PD ka dy kushte, që janë të drejta. E para, që nuk mund të bëhen zgjedhje të administruara nga Rama kryeministër, dhe kushti dy, të përmendurit në dosjet “184” dhe “339” duhet të shkojnë para drejtësisë. Në dialog Rama duhet të shkojë si kryetar i PS. Rama ka treguar se nuk është i aftë të rrijë neutral në zgjedhje”, tha Mustafaj në emisionin “Opinion” të News 24.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm