Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndarja nga jeta e Sabit Brokajt, reagojnë Dokle, Meta, Ruçi dhe Manastirliu

Politiko 13 Shtator 2020, 10:31

Ndarja nga jeta e Sabit Brokajt, reagojnë Dokle, Meta, Ruçi dhe

Politikanët shqiptarë kanë reaguar pas ndarjes nga jeta të ish-ministrit dhe ish-deputetit, mjekut kardiolog Sabit Brokaj në moshën 78-vjeçare për shkak të një ataku kardiak.

Ish-kryetari i Kuvendit dhe ish-deputeti socialist Namik Dokle për ndarjen nga jeta të mikut dhe kolegut të tij në PS, Sabit Brokaj, shprehet se harrimi nuk do ta prekë kurrë emrin e tij.

"SHOKET TANE VDEKJA PO NA I RREMBEN...

Me shume se kujtdo tjeter nga miqte e mi, atij i shkon perifrazimi i kenges

se njohur partizane...SABIT BROKAJ, njeriu dhe poltikani patriot,me shpirt luftarak,

deputet i vlerave te medha ne sherbim te popullit, minister i paperlyer ne korrupsion,

mjek i shkelqyer dhe human, mik i vyer dhe i dashur!

U ndave nga ne, por ne nuk ndahemi dot nga ti, i dashur SABIT, harrimi nuk do ta

prek kurre emrin tend!" shkruan Dokle.

Presidenti i Republikës Ilir Meta shprehet se Sabit Brokaj ishte gjithmonë i angazhuar në çështjet kombëtare edhe si deputet e ministër.

"Trishtues lajmi për ndarjen nga jeta të Profesor Sabit Brokaj, mjekut dhe intelektualit të shquar, gjithmonë të angazhuar në çështjet kombëtare edhe si deputet e ministër.

Ngushëllimet më të ndjera familjes Brokaj, të afërmve dhe miqve të tij për këtë humbje të pazëvendësueshme që na lëndoi të gjithëve ne që e njohëm nga afër.

I paharruar kujtimi i Profesor Sabitit!" shkruan Meta.

Ndërsa kryetari i Kuvendit, Gramoz Ruçi, i ka drejtuar një mesazh ngushëllimi familjes së mjekut dhe politikanit Sabit Brokaj dhe shprehet se do të kujtohet si një ndër politikanët më parimorë, më të urtë dhe më të mençur të Shqipërisë.

“Të dashur Mira, Inesa dhe Krenar,

Me dëshpërim e dhimbje të thellë mora vesh lajmin e hidhur të ndarjes nga jeta të Sabitit, bashkëshortit e prindit tuaj të shtrenjtë dhe kolegut e shokut tim të dashur.

Sabit Brokaj ishte një ndër personalitetet e mjeksisë shqiptare, me një kontribut të pakrahasueshëm në zhvillimin dhe konsolidimin e shërbimit të kardiologjisë, dhe për të cilin ka fituar mirënjohjen e kolegëve dhe të qytetarëve.

Sabiti do të kujtohet si një ndër politikanët më parimorë, më të urtë dhe më të mençur të Shqipërisë, bashkëthemelues i të majtës shqiptare dhe mbartës e përçues i vlerave më të mira të saj, si edhe i vyrtyteve më të larta të shqiptarëve.

Si deputet për disa legjislatura në Kuvendin e Shqipërisë, shkëlqeu për përkushtimin e pashoq, arsyetimet e thella, logjikën e pakundërshtueshme, oratorinë dhe elokuencën, por edhe thjeshtësinë mbresëlënëse dhe lidhjet e pandshme me njerëzit.

Si dekan i Fakultetit të Mjeksisë, profesor Sabiti kontribuoi për modernizimin e mësimdhënies e të formimit të mjëkëve të rinj shqiptarë me dijet e shprehitë bashkëkohore.

Si Ministër i Shëndetësisë, u shqua për drejtimin e mençur përballë sfidave të mëdha që kërkonte mbrojtja e shëndetit të popullit, në rrethana tepër të vështira.

Si Ministër i Mbrojtjes i Shqipërisë në një ndër periudhat më kritike për vendin, kontriboi në modernizimin e ushtrisë shqiptare dhe rritjen e bashkëpunimit të saj me NATO-n dhe aleatët strategjikë të Shqipërisë, ShBA dhe vendet e BE-së.

Sabiti do të na mungojë gjatë të gjithëve, por boshësinë e krijuar me ikjen e tij të parakohshme, do të mbushin kujtimet e respekti dhe nderimi për këtë bir të shquar të Shqipërisë e të Labërisë, për këtë trim të mendjes e të veprimit, për këtë patriot të madh, për këtë njeri të jashtëzakonshëm, që u shërbeu familjes, atdheut dhe njerëzve deri në çastet e fundit të jetës.”, shkruan Ruçi.

Lidhur me ndarjen nga jeta të mjekut Sabit Brokaj ka reaguar dhe ministrja e Shëndetësisë, Ogerta Manastirliu, e cila shpreh ngushëllimet dhe thotë se ai do kujtohet ndër breza për kontributin e çmuar në mjekësinë shqiptare.

"E hidhëruar për lajmin e ndarjes nga jeta të prof. Sabit Brokajt.

Prof. Brokaj shërbeu si Ministër I Shëndetësisë në një periudhë tranzicioni të vështirë, në vitin 1991, por karriera e tij e gjatë si mjek në fushën e kardiologjisë, la gjurmë në mjekësinë shqiptare. Kontributi profesional dhe shoqëror i prof. Sabitit do të mbetet i vlerësuar ndër breza.

Ngushëllime familjes, kolegëve dhe miqve të shumtë!

U prehtë në paqe🙏🏼" shkruan Manastirliu.