Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

NDËRKOMBËTARE

Posta e mëngjesit/ Me 2 rreshta: Çfarë pati rëndësi dje në botë

Politiko 13 Tetor 2020, 08:32
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Tërheqja e SHBA nga Afganistani: Gjenerali më i lartë amerikan nuk pranoi të mbështesë planet e fundit të Shtëpisë së Bardhë për përshpejtimin e afatit kohor për sjelljen e trupave në shtëpi.

■ British Airways: Kompania mëmë e transportuesit, International Airlines Group, njoftoi se shefi ekzekutiv i saj, Alex Cruz, do të tërhiqej menjëherë. Ai do të zëvendësohet nga Sean Doyle, i cili drejton Aer Lingus, një kompani ajrore me qendër në Irlandë.

■ Imigracioni izraelit: Qeveria izraelite miratoi një transferim ajror prej 2,000 Etiopianësh me origjinë hebreje në Izrael në muajt e ardhshëm, duke shkaktuar reagime të zemëruara nga aktivistët izraelitë etiopianë që këmbëngulin se rreth 8,000 duhet të zhvendosen.

■ ‘Shenjti mbrojtës i internetit’: Carlo Acutis, një adoleshent italian që vdiq nga leuçemia në 2006, mund të bëhet mileniali i parë që njihet si shenjt në Kishën Katolike Romane. Ai u lumturua nga papa të shtunën.

■ Franca po mendon të fillojë bllokimet lokale, tha të hënën Kryeministri Jean Castex. Duke përshkruar një rritje të paparë në raste të reja, Castex fajësoi banorët për shkujdesje.

■ Qyteti kinez Qingdao po teston të gjithë 9.5 milion banorët pasi regjistroi rastet e para të Kinës të transmetuara në vend në pothuajse dy muaj.

■ Irani njoftoi numrin më të lartë të vdekjeve një ditë nga virusi për të dytën ditë me radhë, me 272 viktima.

Të fundit