Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndërron jetë ‘Mad Max’ Velo, një ikonë e Tiranës

Politiko 7 Maj 2020, 17:49

Ndërron jetë ‘Mad Max’ Velo, një ikonë e

Është ndarë nga jeta në moshën 84-vjeçare arkitekti dhe piktori i njohur Maks Velo. Mësohet se Velo ishte i shtruar prej disa ditës në QSUT, pasi vuante nga anemia.

Çfarë la pas

Maks Velo lindi në Paris, më 31 gusht të vitit 1935.

Ishte autor i një sërë botimesh si: "Kokëqethja", "Palltoja e burgut", "Thesi i burgut", "Paralele për arkitekturën", "Kohë antishenjë", "Jeta ime në figura " etj. Si artist, ai krijoi në disa gjini të artit: pikturë, prozë, poezi, publicistikë sikundër është i angazhuar në çështje të aktualitetit shqiptar.

7 vite e gjysëm të jetës Velo i kaloi në burgun e Spaçit, vitet ‘79-‘86

Ai ishte 43 vjeç, kur në derën e shtëpisë së tij trokitën njerëzit e Sigurimit të Shtetit. Njihej si piktor, arkitekt. Në një intervistë televizive para disa vitesh, me gazetarin Blendi Fevziu, Velo rrëfeu mënyrën si u burgos dhe denoncimin nga një prej njerëzve më të afërt në familje, bashkëshortes së tij.

Ndër të tjera, Velo e quajti arrestimin e tij si çmenduri totale të Enver Hoxhës.

“Ai e kishte me artin, nuk e kishte me mua personalisht. Ai e nisi me artin. Ajo shkonte shkallë-shkallë. Ai tha kush janë këta që kanë bërë këto të këqija dhe ndiqeshin dhe dënoheshin. Për shembull, unë tani kam marrë dosjen time nga Ministria e Brendshme, ma dha Kastriot Dervishi. Është dosja totale e hetuesisë dhe e gjykimit. Janë 214 faqe, meqenëse ka një ligj që atyre që u është bërë gjyqi në publik, kanë të drejtë ta marrin dosjen. Mua më është bërë gjyqi në publik, prandaj e mora dosjen. Dhe, po të shohësh, janë rreth 12 artistë të mi, që thonë Maksi ka sjellë artin modern”, rrëfente Velo.

Si e denoncoi ish bashkëshortja

“Është denoncimi aty. Janë fotografitë. Ajo i ka dorëzuar fotot që unë nderoja ushtarët italianë kur isha i vogël. Atje në Korçë, kur erdhën italianët në 1939, u bë festë e madhe, me valle, me gajde. Unë e kisha shtëpinë karshi. Kam bërë foto me ushtarët italianë. Isha fëmijë në atë kohë. Ajo kishte miqësi me vajzën e Nevzat Haznedarit dhe unë i kërkova me insistim që ta ndërpriste këtë miqësi, sepse Nevzati e kishte ndjekur babain në Korçë dhe donte ta fuste në burg. Ajo nuk e bëri këtë, bile i shkonte Nevzatit në shtëpi me torta. Këtu fillova të dyshoj, edhe që kur e ëma e Luzhianës kishte denoncuar një këpucar. Ishte arrestuar ai.

Po këtu shpjegohet, nuk e kam nga ana personale, por tregohet mënyra si ishte indoktrinuar rinia. Ajo, kur e kam njohur unë, sa kishte mbaruar gjimnazin, u fut në Inxhinieri, nuk e bëri dot dhe unë e futa në Farmaci. Pra, se si kjo ishte udhëzuar të kontrollonte shtëpinë dhe ka gjetur ato, dhe e thotë vetë i mora dhe i çova në degë. Nuk jam i qartë, por di të them se janë shumë veprime të instruktuara. Pas kësaj, unë vendosa të ndahem. Kanë bërë veprime shumë të rënda. E ëma dërgoi një letër në Vlorë se im vëlla Pirro, kur u bë dasma, solli një qengj. I shkroi letër Degës së Brendshme. E hoqën vëllain nga shefi i Kirurgjisë në Vlorë, nga aty e çuan në Himarë”, rrëfente Velo.