Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndikimi i artit dhe dizajnit në fushën e modës

Politiko 6 Prill 2020, 17:45

Nga homazhet e skulptorit Beverly Pepper në Fashion Week Show “The Row” e deri te shfaqja e gjurmëve të karbonit të Gabriela Hearst, këto shtëpi mode kanë treguar se në një shfaqje të modës ka më shumë se thjesht rroba.

Dashuria e botës së modës për artin nuk është sekret. Gjithnjë e më shumë, stilistët e modës po kthehen në botën e artit, arkitekturës dhe dizajnit për të krijuar sete gjithnjë e më ekstravagante dhe skena teatrale, duke përdorur material burimor artistik. Këto përvoja të gjithanshme, jo vetëm që tërheqin vëmendjen e të pranishmëve, por krijojnë edhe gumëzhitje. Më poshtë po ju sjellim disa nga shfaqjet më të paharrueshme të artit të modës nga roundi i fundit (vjeshtë/dimër 2020); duke filluar nga homazhet e The Row për të ndjerin Beverly Pepper, deri te vizioni apokaliptik i Demna Gvasalia për Balenciaga-n.

CHRISTIAN DIOR

Frymëzuar nga arti feminist italian i viteve 1960 dhe ‘70, Maria Grazia Chiuri vazhdoi ta çojë Dior-in në një rrugë feministe, një drejtim tërësisht i ri për një shtëpi mode, puna e së cilës është hartuar nga meshkujt, që prej themelimit, në 1946-ën. Ndërsa Maria filloi të hartonte një koleksion që të kujtonte veprimtarinë e studentëve, ajo i besoi modelin e caktuar koleksionistit anonim të artit Claire Fontaine. Ata e shpërndanë hapësirën e shfaqjes me fraza të ndriçuara me LED - “When Women Strike the World Stops”, “We Are All Clitoridian Women”, “Women Are the Moon That Moves the Tides”. Ata gjithashtu e mbuluan pistën e shfaqjes me faqe nga gazeta Le Monde, duke evokuar rëndësinë e një shtypi të lirë.

GUCCI

Në spektaklin e Javës së Modës në Milano të Gucci-t, Alessandri Michele iu drejtua teatralitetit të ritualizuar të shfaqjes moderne të modës. Mysafirët hynë përmes prapaskenës, në të cilën ndodheshin modelet. Gardëroba dhe çdo gjë tjetër ishin në dukje, një levizje kjo që na risolli në mendje dokumentarin “Unzipped” të vitit 1995 nga Isaac Mizrahi. Më vonë, e gjithë skena filloi të rrotullohej duke e shndërruar shfaqjen në një lloj karuseli.

GABRIELA HEARST

Me siguri, ndër temat më të nxehta dhe urgjente në fushën e modës, është Gabriela Hearst. Stilistja nga Nju Jorku, realizoi si sfond të koleksionit të saj të vjeshtës, një grumbull letrash të copëtuara, duke i mbajtur ato në gjendjen e tyre origjinale nga ambienti i riciklimit në Brooklyn dhe duke i kthyer ato të pandryshuara. Hearst punësoi kooperativën jofitimprurëse Manos Del Uruguay dhe artizanet e saj gra, për të bërë thurjen me dorë të koleksionit. Për të u përdorën kryesisht fije kashmiri të ricikluara, mbetjet e qilimave antik turk, duke bërë me to veshje të sipërme. Gjurmët e përgjithshme të karbonit të shfaqjes u matën nga EcoAct, me vlerën e kompensimit të dhënë në Projektin Pyjor Cardamom për të ndihmuar në ruajtjen dhe mbrojtjen e pyjeve me shi të Kamboxhias.

BALENCIAGA

Në shfaqjen e Balenciaga-s, Demna Gvasalia paraqiti kërcënimin e ndryshimit të klimës në një mënyrë shumë reale. Duke punuar me drejtorin artistik Nickle Bildstein-Zaar, ai i vendosi modelet të sfilonin mbi një pistë të mbuluar nga një shtresë uji, duke krijuar spërkatje uji gjatë gjithë ecjes. Uji zhyti gjithashtu dy rreshtat e parë të ndenjëseve, ndërsa sipër një ekran i madh LED i varur nga tavani, shfaqte pamje dhe skena të rritjes së nivelit të detit, qiej duke u djegur dhe eklipse totale. Ky ritëm ogurzi dhe kërcënues, e ngriti natyrën biblike të koleksionit, me veshje monastike dhe nota fetishistike.

CELINE

Në shfaqjen e Celine, krahas veshjes së tij unisex-haute-borgjeze, Hedi Slimane debutoi një bashkëpunim të argjendarisë me Fondacionin César. Duke u tërhequr nga seria e Ndrydhjes Revolucionare të viteve 1960, të Skulptorit të ndjerë francez, César Baldaccini, me kube të thërrmuara hidraulikisht prej metali hekuri dhe automobile, Slimane bën homazhe ndaj një fryme artistike dhe shpirtërore.

Ai krijon një urë lidhëse ndërmjet artit të modës dhe këtyre objekteve totemike, të cilat mund të vishen si një varëse rreth qafës ose duke e shtrënguar rripin si një skulpturë më vete. Çdo copë argjendi ose vermeili numërohet dhe shitet në një kuti të vulosur me firmën e artistit.

TORY BURCH

Tory Burch, së bashku me përpunuesen e qeramikës, Francesca DiMattio, u bashkuan duke montuar një instalacion të punimeve prej porcelani të disa luleve të stolisura, në madhësi dhe shkallë të ndryshme, të paraqitura në sfilatën e saj të vjeshtës në Sotheby në Nju Jork. Ishte një ribashkim i llojeve: Dizajneri ishte blerësi i parë i artistit./ Nga Erdita Drenova - Revista Class