Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndikimi i orës verore në shëndet

Politiko 26 Mars 2019, 13:39
Ndikimi i orës verore në shëndet

Si çdo vit, mes të shtunës së 30 marsit dhe të dielës së 31 marsit, ora ndryshon duke ecur 60 minuta përpara.

Kjo do të thotë se kemi mundësi të shijojmë një orë më shumë dritën e diellit, por edhe humbim një orë gjumë. Pavarsisht avantazheve psiko-fizike që na jep ekspozimi në diell mund të kemi edhe disa shqetësime kryesisht që i përkasin orës biologjike, e cila mban në ekuilibër pushimin dhe aktivitetin. Por ka disa këshilla sesi organizmi juaj t’i përshtatet më së miri ndryshimit të orës.

Prej kohësh ora pranverore ka qënë pjesë e studimeve për të kuptuar më mirë efektet që ka në organizmin tonë. Disa kërkime vënë në dukje se rriten mundësitë që njerëzit të preken nga infarkti. Specialistët shpjegojnë se stresi i lidhur edhe me ndryshimin e orës mund të përshpejtojë mundësitë e një ataku kardiak.

Gjëja e parë që duhet të bëni për t’iu përshtatur kohës së re është të evitoni të qënurit në alarm. Ora verore përfaqëson thjesht një alternim të zakoneve të përditshme. Truri dhe trupi ynë ka nevojë për disa ditë që t’i përshtatet ndryshueshmërisë.

Mënyra më e mirë për të minimizuar efektet negative, është të zgjoheni çdo ditë në të njëjtën orë dhe jo një orë më vonë. Organizoni një ecje jashtë në ajër të pastër e cila ju mbush me energji, ose praktikoni aktivitet fizik.

Në këtë mënyrë në darkë jeni të lodhur dhe jeni gati për të fjetur në orën që jeni mësuar.

Një tjetër këshillë e specialistëve është të shmagni telefonët gjatë darkës, pasi ritmi ynë rregullohet nga drita natyrale dhe drita blu e aparatëve teknologjikë e bën më të vështirë që të na zërë gjumi sidomos gjatë kohës kur na duhet t’i përshtatemi ndryshimit të orës.

Të fundit