Ndoka dhe Shehi në zyrën e Bashës, mësohet se ku do kandidojnë

Aleatët e Partisë Demokratike, Nard Ndoka dhe Dashamir Shehi kanë hyrë në zyrën e Lulzim Bashës për të diskutuar për marrëveshjen për zgjedhjet e 25 qershorit.

Ndonëse nuk ka një rezultat konkret të bërë publik, News 24 raporton se Ndoka pritet të kandidojë në Shkodër në listën e PD-së.

Sa i përket aleatit tjetër, Shehit, pritet që kreu i LZHK-së të jetë pjesë e listës së Tiranës.

Sot pritet të marrë formën përfundimtare lista e PD për zgjedhjet parlamentare, ndërkohë që deputeti Genc Ruli ka njoftuar tërheqjen nga kandidimi.