Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndryshimet kushtetuese/ Pas Ramës, ambasadorët e SHBA e BE i shkojnë sot në zyrë edhe Bashës

Politiko 28 Korrik 2020, 09:41
Ndryshimet kushtetuese/ Pas Ramës, ambasadorët e SHBA e BE i

Një ditë pas takimit me kryeministrin Edi Rama, ambasadorët e SHBA, Yuri Kim, ai i BE, Luigi Soreca, i Gjermanisë, Peter Zingraf dhe i Britanisë së Madhe, Duncan Norman zhvillojnë paraditen e sotme një takim edhe me kreun e opozitës, Lulzim Basha.

Takimi mes tyre, i kërkuar nga opozita e bashkuar, pritet të zhvillohet në selinë blu, ndërsa të pranishëm do të jenë edhe aleatët e Partisë Demokratike.

Në fokus të diskutimit mes tyre pritet të jetë debati për ndryshimet kushtetuese që siç paralajmëroi kryeministri Edi Rama dje në kuvend do të votohen në seancën e fundit të këtij sesioni, në 30 korrik.

Kujtojmë se ditët e fundit, trupa diplomatike ka zhvilluar takim edhe me presidentin Ilir Meta lidhur me këtë çështje, teksa pasi kanë përshëndetur marrëveshjen e 5 qershorit të votuar edhe në parlament, kanë kërkuar që çdo nismë për ndryshime kushtetuese të diskutohet në Këshillin Politik dhe të jetë gjithëpërfshirëse mes palëve politike.

Ndërkohë, po sot pritet të mblidhet sërish Këshilli Politik i thirrur nga përfaqësuesi i PS, Damian Gjiknuri, ftesë që opozita e bashkuar i është përgjigjur pozitivisht, për të diskutuar kërkesën për lista të hapura dhe koalicionet parazgjedhore.

Opozita e bashkuar kërkon që të dakordësohet me mazhorancën për ndryshimet kushtetuese të amenduara dhe që janë në procedurë parlamentare, duke qenë se nuk ka dakordësi të gjerë politike të merret edhe opinioni i ekspertëve të OSBE-ODIHR.

Nga ana tjetër, përmes e-mail-shkëmbimeve, Gjiknuri akuzon opozitën e bashkuar se më kërkesa të tilla  po tenton të zvarrisë procesin. Sipas tij, në marrëveshjen e 14 janarit, palët kanë rënë në ujdi që palët të marrin opinion nga OSBE/ODIHR për Kodin Zgjedhor dhe jo ndryshimet kushtetuese.

Opozita sërish iu përgjigj, duke i kujtuar Gjiknurit, i cili njësoj si Rama paralajmëroi se në 30 korrik këto ndryshime do të votohen në kuvend, se nëse mungon gjithëpërfshirja preken nenet e 5 qershorit.

Të fundit