Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ndryshimi kufijve Kosovë-Serbi, nis takimi Thaçi e Vuçiç në Vjenë

Politiko 25 Gusht 2018, 20:41
Ndryshimi kufijve Kosovë-Serbi, nis takimi Thaçi e

Presidenti i Kosovës Hashim Thaçi dhe Presidenti i Serbisë, Aleksandër Vuçiç ndodhen në Forumin Evropian në Alpbach të Austrisë. Dy presidentët janë ftuar nga Aleksander Va nder Bellen për të diskutuar për të ardhmen evropiane.

Jo vetëm Thaçi dhe Vuçiç por edhe lider të tjerë evropian dhe përfaqësues shtetesh po qëndrojnë në Austri.

Nëpërmjet një statusi në Facebook, Hashim Thaçi shkruan se faza e fundit e dialogut mes Kosovës dhe Serbisë do të prodhojë një marrëveshje historike që so i hapë rrugë Kosovës për anëtarësimin në NATO, BE dhe OKB.

“Shtetet e Ballkanit Perëndimor kanë perspektivë të qartë evropiane. Por, për të jetësuar këtë aspiratë, duhet të vazhdojmë punën në implementimin e reformave, si dhe në tejkalimin e mosmarrëveshjeve. Faza e fundit e dialogut ndërmjet Kosovës dhe Serbisë do të prodhojë një marrëveshje historike, ligjërisht të obligueshme, e cila i hap rrugë anëtarësimit të Kosovës në NATO, BE dhe OKB. Prandaj, shtetet e rajonit, shtetet anëtare të BE-së ose shtetet e tjera të botës, nuk duhet të kundërshtojnë ose të kenë frikë nga një marrëveshje potenciale paqësore mes Kosovës dhe Serbisë, edhe nëse një marrëveshje e tillë mund të nënkuptojë korrigjimin e kufijve. I siguroj të gjithë se një marrëveshje e mundshme midis Kosovës dhe Serbisë nën këtë skenar nuk do të jetë përgjatë vijave etnike. Kosova do të mbetet një shoqëri shumetnike dhe do të vazhdojë të ruajë standardet më të larta në kuptim të mbrojtjes së të drejtave të komuniteteve. Sepse, paqja përfundimtare ndërmjet Kosovës dhe Serbisë, njohja e ndërsjellë, do të ketë reflektime pozitive për mbarë rajonin dhe më gjerë. HTH,”- shkruan Thaçi në Facebook.

Pritet që në fjalimet në kuadër të Forumit,  e dy presidentët, Thaçi e Vuçiç do të diskutojnë dhe për korrigjimin e kufijve.

Të fundit