Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Në Kosovë flitet për ndarjen e vendit, pjesë e planit Serbia-Shqipëria-Greqia. Ftesa e Vuçiç për Austrinë dhe roli i Erdoganit

Politiko 10 Shkurt 2018, 14:35
Në Kosovë flitet për ndarjen e vendit, pjesë e planit

Na kancelaritë e Ballkanit është duke marrë përparësi plani për ndarjen e Republikës  së Kosovës. Gazeta ‘Express’ shkruan se bazuar në burime të sigurta, presidenti Hashim Thaçi dhe kryeministri Ramush Haradinaj do të provojnë të promovojnë fillimisht idenë e shkëmbimit të territoreve me Serbinë, por që në fund do rezultojë me ndarjen e vendit. Kjo lëvizje e Thaçit dhe Haradinajt vjen pas dështimit për të shfuqizuar Gjykatën Speciale për Krimet e Luftës në Kosovë.

Sipas kësaj medie, ideja për ndarje, ose ideja për këmbim të territoreve me Serbinë, është duke u përkrahur nga Serbia, Shqipëria dhe Greqia.

"Për idenë e ndarjes së Kosovës së pari në SHBA kanë lobuar grekët, respektivisht ministri i Punëve të Jashtme të këtij shteti", ka thënë një burim i mirëinformuar i ‘Express’ në Uashington.

Sipas këtij burimi, për këtë ide kanë qenë të informuar Këshilltari për Siguri Kombëtare i Presidentit Trump, H.R. McMaster, dhe zëvendëspresidenti Mike Pence.

"Këtë ide e ka hedhur poshtë vitin e kaluar Mike Pence, në Samitin e Kartës Adriatikut që është mbajtur në Mal të Zi", ka treguar ky burim, duke treguar që gjithashtu kundër saj është edhe McMaster.

Në të njëjtën frymë, për të njëjtin skenar, është shprehur ditë më parë edhe Aleksander Vulin, ministër i Mbrojtjes së Serbisë.

Ai ka thënë se dialogu Kosovë-Serbi, "nuk është duke dhënë rezultate, andaj duhet të kërkohet një marrëveshje për ndarjen e Kosovës".

Ndërkombëtarët besojnë që në këtë lojë është i përfshirë edhe Kryeministri Edi Rama, duke shfrytëzuar kontaktet e tij direkte me presidentin serb Aleksandar Vuçiç.

Një burim ndërkombëtar i ka thënë Gazetës Express se këtë temë, për interesa të tyre, po e shtyjnë shumë edhe pala greke. Ministri i Jashtëm i Greqisë, Nikos Kotzias, ka biseduar në ‘Shtëpinë e Bardhë’ me zyrtar të administratës Trump për një ide të tillë.

"Grekët dëshirojnë të përfitojnë në Maqedoni, nga ndonjë ndarje eventuale", tha ky burim, duke shtuar që edhe Rusia është e interesuar për një zhvillim dramatik në Ballkan, duke marrë parasysh humbjen që e kishin pësuar në fund të shekullit të kaluar, kur për shkak të problemeve brenda shtetit të tyre kishin ngelur pa ndonjë përfitim nga zhvillimet në Ballkan.

Ftesa për Austrinë

Në vizitën e zhvilluar në fillim të muajit në Austri, presidenti serb Vuçiç i bëri këtij shteti një ftesë të pazakontë deri më tani. Ai kërkoi nga Viena që të që të mbështesë një zgjidhje për Kosovën që do të arrihet midis dy kombeve më të mëdhaja në Ballkanin Perëndimor, se sa një zgjidhje “të urdhëruar nga dikush”.

Në konferencën e përbashkët në Vienë me homologun, Alexander Van der Bellen, Vuçiç tha se Austria mund të ndihmojë përmes një qasje të hapur duke mbështetur çdo zgjidhje që do të arrihet nga shqiptarët dhe serbët, të cilët do të jenë edhe për 100 vitet e ardhshme kombet më të mëdha në Ballkanin Perëndimor.

Presidenti serb nuk përmendi dialogun që po zhvillohet në Bruksel midis Prishtinës dhe Beogradit, që ka për qëllim normalizimin e plotë të marrëdhënieve midis dy vendeve, çka tregon për një ndryshim kursi.

Turqia

“Erdogan e flet perfekt serbishten dhe shqipen”, ishte kjo batuta e presidentit Vuçiç gjatë pritjes në Beograd që i bëri homologut turk, Rexhep Taip Erdogan, në tetor të 2017-s. Por më shumë se sa një batutë, Vuçiç konfirmoi rolin e Ankarasë në zhvillimet e rëndësishme që mund të ndodhin në Ballkan.

Nëse skenari për ndarjen e Kosovës do të vihet në jetë, Turqia nuk do të mbetet jashtë negociatave.

Vitin e kaluar, Erdogan bëri një deklaratë surprizuese kur tha se pas 10 vitesh, Kosova ende nuk ka arritur të bëhet shtet, por zyrtarët në Prishtinë dhe Tiranë heshtën duke mos kërkuar shpjegime.

“Der Standard”

Prestigjozja austriake, “Der Standard” publikoi në tetor të 2017-s një artikull ku thuhej se Edi Rama me Aleksandar Vuçiçin po luanin me kufinjtë e Ballkanit. Sipas kësaj gazete, shtetet Perëndimore po qëndronin në heshtje përballë kësaj loje, ndërkohë që Rama dhe Vuçiç po përpiqen të shfaqen si liderët e shqiptarëve dhe serbëve në Ballkan.

Gazeta përmendte ndikimin e Ramës mbi partitë shqiptare në Maqedoni dhe emërimin e disa zv/ministrave nga Kosova në kabinetin e ri të qeverisë së Shqipërisë.

Takimi i Preshevës

Më 31 janar të 2018-s është raportuar për një takim trepalësh Vuçiç-Rama-Erdogan në Preshevë. Ndonëse lajmi nuk është konfirmuar zyrtarisht, thuhet se takimi do të zhvillohet në muajin qershor dhe do të ketë në fokus forcimin e marrëdhënieve midis tre vendeve.

Ky takim në Preshevë, rajon në Serbi i populluar nga shqiptarët, do zhvillohet disa muaj pas takimit që Vuçiç së bashku me liderin e Bosnje-Hercegovinës, Bakir Izetbegovic, zhvilluan me Erdoganin në Ankara./Politiko.al

Të fundit