Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Në meshën e Krishtlindjes, Imzot Frendo: Po largohen të rinjtë, ruaje o Zot Shqipërinë!

Politiko 25 Dhjetor 2018, 21:56
Në meshën e Krishtlindjes, Imzot Frendo: Po largohen të

Largimi i të rinjëve nga vendi po konsiderohet një problem edhe nga institucionet fetare. Imzot George Frendo gjatë fjalës së tij në meshën e Krishtlindjes në Katedralen e Shën Palit u bëri apel pozitës dhe opozitës që të ulen për të zgjidhur problemin e papunësisë.

Frendo këshilloi të rinjtë që të kërkojnë më shumë për të krijuar një Shqipëri më të mirë, ndërsa shtoi se shqiptarët ka vuajtur shumë dhe tani meritojnë një jetë më të mirë.

Mesazhi i Imzot George Frendo për Krishtlindje:

Sa shumë njerëz janë duke fjetur jashtë edhe në të ftohtë, ose ata që janë në detin Mesdhe në një gomone duke u larguar nga lufta dhe shpresojnë të gjejnë një vend që do i pranojë dhe ku të jetojnë me më shumë dinjitet. Krishtlindja ka një mesazh për të gjithë shoqërinë.

Jezusi u bë shembull i atij dialogu që duhet të ekzistojë edhe mes nesh, mes punëdhënësve dhe punëtorëve, duke respektuar dinjitetin, i dialogut mes qytetarëve dhe qeverisë Ne nuk mund të justifikojmë kurrë përdorimin e dhunës dhe vandalizimit. Të merremi më shumë me një dialog serioz. Sot shohim Jezusin si një foshnjë të brishtë. E di se shumë prej jush kanë vetëm një ëndërr, që të largohen nga Shqipëria, por kërkoni më shumë për të krijuar një Shqipëri më të mirë, vlerësoni më shumë gjërat e bukura nga vendi juaj, që tani është bërë edhe vendi im.

Para disa ditësh isha në një takim me disa studentë, u mërzita kur të gjithë shprehën dëshirën të emigrojnë. Po humbasim shumë persona, që numërohen ndër elementët më të çmuar, kjo është varfëria më e madhe për Shqipërinë. U lutem pozitës dhe opozitës të ulen së bashku në një tryezë dhe të diskutojnë këtë problem si mund të tërhiqen investitorë në këtë vend të bukur dhe të hapin vende pune. Me një vullnet të mirë mund të ndërtojmë një Shqipëri më të mirë, më të drejtë më të lumtur. Populli shqiptar ka vuajtur shumë. Ruaje o Zot Shqipërinë

Të fundit