Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Ne nuk ju tradhëtuam

Politiko 27 Korrik 2018, 09:41

Kreshnik Çollaku

Një e vërtetë që duhet thënë.

Disa muaj më parë një grup aktorësh na ftuan si Këshilltarë Bashkiakë në një bashkëbisedim për çështjen e Teatrit. Aktoret na kërkuan sensibilizim dhe mbështetje për çështjen e Teatrit.

Aktorët i mundonte ideja kthyer në klishe (jo pa arsye) se politika shitet e blihet, ndaj kërkonin që të mos i tradhëtonim. E kuptoja këtë shqetësim dhe kjo “paranojë” e kishte një bazë.

Sinqerisht më vinte turp nga vetja e bezdi që pse, për shkak se i angazhuar në politikë, të paragjykohesha me klishenë e politikës që shitet e blihet. Jam i bindur nuk jam i vetmi që bezdisesha nga ky paragjykim.

Pse të paragjykohem mendoja, unë as jam shitur as jam blerë. Jetoj e punoj me djersën time e profesionin tim jo nga politika. Poltitika është një pasion, mbase pasion i mundimshëm, por unë kam vendosur ta bëj drejtë e ndershëm, mbase edhe duke gabuar, ndonjë veprim apo qëndrim i imi mund të quhet i gabuar por kurrë s’do të quhej i pandershëm.

E kisha bërë betimin se nëse do të më duhet të bëj pakt me pandershmerinë, do ta braktisja pasionin Politik.

Këto mendoja dhe po vetë përgjigjesha, aktorët kanë të drejtë të paragjykojnë, ka pafund raste pandershmërie në këtë ambient, paragjykimi i tyre është i bazuar, është barra ime dhe e atyre si unë ta mbajnë këtë paragjykim dhe çdo ditë me sjelljen e veprimit tim të tregoj se jo të gjithë jemi të pandershëm të shitur apo të blerë...

U dhamë fjalën aktorëve dhe qytetit se nuk do t’i tradhetojmë dhe do të mbrojmë pronën publike dhe Teatrin. Rrethanat dhe ligji përcaktonin se vendimi për prishjen e Teatrit dhe përvetësimin e truallit të tij, çka ishte kleçka e madhe, duhej të kalojë në Këshillin Bashkiak Tiranë. G

rupi i PS në Këshill kishte 32 vota. Që vendimi i i prishjes së Teatrit dhe përvetësimit të Truallit të kalonte duheshin 3/5 e votave në këshill, pra 37 vota. Kryetarit të Bashkisë dhe PS i mungonin vetëm 5 vota, për ta përfunduar këtë projekt ne formë ligjore, pa zhurmë, pa ligj të veçantë pa debat në qytet dhe pa andrralla.

Nuk e di nëse kanë tentuar të blejnë apo joshin këshilltarë, mbase e kanë berë siç e kanë zakon, por asnjë këshilltar as nga grupi PD as nga ai LSI nuk lëvizi dhe së bashku deklaruam se votat për të prishur Teatrin e grabitur Truallin, Bashkia e Qeveria nuk do t’i kenë kurrë. Dhe kështu ndodhi.

Këshilltarët e Opozites qëndruan, nuk tradhëtuan fjalën dhe betimin e bërë madje u shtuan ndërsa qeveria dhe kryetari i Bashkisë iu futën aventurës së turpshme me ligj të veçantë. Sot jo pa zhgënjim disa nga aktorët më të zhurmshëm që asokohe na kërkonin të mos i tradhëtonim, dhe që më hidhëronin aq shumë me paragjykimin e tyre, i shoh mbase me më pak zhurmë të kërkojnë prishjen e Teatrit, madje sa më parë, e të firmosin kërkesa pikërisht për atë për të cilën na kërkuan të mos i tradhëtojmë.

Vlerësimi im për ta mbetet...por zhgënjimi dhe keqardhja gjithashtu. Këto rradhë i shkruajta për të thënë një mesazh të thjeshtë kujtdo që i lexon.

Mos paragjykoni e mos gjykoni nën klishe, njeri të ndershëm ose pandershëm nuk të bën profesioni apo pasioni...por formimi, edukata, integriteti personal që e ke marrë që me qumshtin e nënës.

Thënë troc..çdo berr varet nga këmbët e veta.