Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Nëse do të isha ju, Kryeministër

Politiko 11 Dhjetor 2018, 12:15
Nëse do të isha ju, Kryeministër

Entela Kasi*

 

Kjo është fjali kushtore, Kryeministër! Do të kisha dalë në shesh pranë studentëve dhe bash në mes tyre do kisha thënë ato që thatë ju, e më tej do vazhdoja të dëgjoja zërin e tyre, nëse ky mund të quhej komunikim apo dialog.

Nëse do të isha ju, pasi të kisha dëgjuar studentët, të cilët flasin për një sistem të kalbur, do të thoja atë që thatë edhe ju: po sistemi ka probleme, e ndryshe nga ju do të merrja përgjegjësi së paku për kohën e Qeverisë Rama.

Përveç kësaj do të flisja me zërin e tyre, që artikulon të vërtetën e faktit se ky degradim i sistemit arsimor në Shqipëri, i cili ka dekada që ka rënë në greminë, pikërisht atje ku e hodhën vendimmarrja e ligjvënësit, në sallën e Kuvendit të Shqipërisë prej shumë vitesh. Por pasi të kisha rënë dakord me këtë të vërtetë artikuluar prej studentëve, do të kisha marrë një penë me bojë si ato të rilindasve të vërtetë, e do kisha firmosur kërkesat e tyre, bash në shesh, atje midis tyre.

Këtë do të bëja, jo për të shuar protestën e as për të fituar unë, Qeveria e sotme e këtij vendi, por sepse kështu do të tregoja se jam qeveri e përgjegjshme dhe pasi lexoj kërkesat dhe zërin e popullit tim, u shërbehem atyre me dinjitet, e përveç kësaj i kërkoj dhe falje për gabimet e mia në kohën që unë qeveris me gabime!

Nëse do isha unë Kryetar qeverie, i një qeverie pa aleatë të tjerë, do e kisha më të thjeshtë të merrja vendimin sepse më në fund askush nga aleatët nuk do më pengonte, apo jo? Sepse aleatët apo ato partitë e tjera politike janë atje tej në opozitë!

Nëse do të isha unë nuk do drejtoja gishtin kah të tjerët, por do e ktheja kah vetja e do flisja po ashtu edhe për të gjithë atë që së bashku me të tjerët bëmë në kaq shumë vjet! Përfundimisht, do të lexoja varfërinë e cila i ka hyrë në eshtra shqiptarëve.

E dimë të gjithë së bashku se Shqipëria ka pasuritë natyrore me të cilat e krijoi Zoti, por në të kundërt jemi një nga popujt më të varfër të rajonit. Nuk po flas më për ekonomi, e as për të tjera çështje, sepse për këto duhet të artikulohen ata që kanë kapacitet të japin zgjidhje! Ndërsa zgjidhjen e keni ju, e për këtë nuk keni nevojë për shkop magjik, sepse sigurisht, ju nuk jeni Zoti, por kryetari i qeverisë që duhet t'i dilni për zot shqiptarëve pa dallim bindjesh partiake, e duhet ti shërbeni qytetarëve e popullit tuaj/ tonë.

*Pedagoge

Të fundit