Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nëse nuk transmetojnë spotin e platformës qeveritare E-Albania, AMA do të nisë procedim administrativ për mediat

Politiko 28 Nëntor 2019, 19:00
Nëse nuk transmetojnë spotin e platformës qeveritare E-Albania,

Autoriteti i Mediave Audiovizive, AMA ka bërë një deklaratë për shtyp sa i takon platformës qeveritare online E-Albania, e cila është vënë në dispozicion për të mbledhur kontribute për të prekurit nga tërmeti.

Në këtë komunikatë, AMA i sugjeron mediave ta publikojnë pa të drejtë pagese platformën e qeverisë për të mbledhur kontribute pasi është i detyrueshëm.

Në komunikatën që i është dërguar mediave thuhet se nëse mediat nuk transmetojnë spotin pa pagesë, AMA do të nisë procedim administrativ, konform kuadrit legjislativ në fuqi.

Kujtojmë këto subjekte se, transmetimi i spotit pa pagesë, në kushtet kur në qarqet e Tiranës dhe Durrësit është shpalluar gjendja e fatkeqësisë natyrore është i detyrueshëm, në zbatim të nenit 34 të ligjit nr. 97/2013 “Për mediat audiovizive në Republikën e Shqipërisë”, i ndryshuar dhe rregullores “Për transmetimin pa shpërblim të informacioneve, mesazheve dhe njoftimeve me interes të lartë për publikun e gjerë”, miratuar nga AMA, me vendim nr. 76 datë 04.04.2016. 

AMA do të vijojë monitorimin e transmetimeve dhe për rastet që nuk respektohen kërkesat e sipërcituara, do të nisë procedimin administrativ, konform kuadrit legjislativ në fuqi.

Ky tërmet që ka lënë pas bilance tragjike, ku me dhjetra kanë humbur jetën dhe me qindra janë plagosur, ka bërë që gjithë shqiptarët anë e mbanë botës të solidarizohen duke iu bashkuar nismave të ndryshme të cilat po mbledhin fonde për të prekurit e tërmeteve.

Disa prej mënyrave se si edhe ju mund të kontribuoni mund t`i lexoni në linkun e mëposhtëm:

Tërmeti në Shqipëri, si mund të kontribuoni në platforma e mënyra të ndryshme për të ndihmuar edhe ju

Të fundit