Nesër krijohet koalicioni opozitar, PD firmos me LSI dhe aleatët e tjerë

Nesër do të krijohet koalicioni opozitar. Burime nga Partia Demokratike bëjnë me dije se procesi do të nisë në orën 09:00, me firmosjen e marrëveshjes për krijimin e koalicionit.

Raportohet se me koalicionin e partisë së drejtuar nga Lulzim Basha do të bashkohen partitë kryesore të opozitës, të cilat kërkojnë zgjedhje të lira e të ndershme, por jo me Edi Ramën në pozitën e kryeministrit.

Raportohet se kjo do jetë një nga pikat e marrëveshjes për krijimin e koalicionit opozitar, që synon krijimin e një qeverie tranzitore që do të garantojë zgjedhje të lira e të ndershme dhe do t’i hapë rrugë drejtësisë për të ndëshkuar ata politikanë që pretendohet se janë faktuar duke manipuluar zgjedhjet.

Lëvizja Socialiste për Integrim mësohet se do i bashkohet koalicionit me Partinë Demokratike, së bashku me PR, LZHK, PBDNJ, PAA, PDK dhe PDIU.