Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
“New York Times” e denoncon për keqtrajtim të kundërshtarëve, Trump pret në ‘Shtëpinë e Bardhë’ princin Bin Salman
Presidenti amerikan, Donald Trump do të presë princin saudit të kurorës, Mohammed bin Salman më 20 mars në Uashington, njoftoi sot Shtëpia e Bardhë.
”Presidenti do të diskutojë në lidhje me forcimin e lidhjeve midis SHBA-së dhe Arabisë Saudite”, saktësoi zëdhënësja e ekzekutivit amerikan, Sarah Sanders, gjatë konferencës së përditshme për shtyp në Shtëpinë e Bardhë.
Ky njoftim bëhet i ditur pak orë pasi gazeta ”New York Times” raportoi se “disa personalitete saudite, shënjestra të një fushate antikorrupsion të iniciuar nga princi trashëgimtar saudit në muajin nëntor, u ishte privuar e drejta e fjalës së lirë dhe ishin bërë objekt i keqtrajtimeve fizike”, sipas së përditshmes amerikane.
E pyetur nëse do të diskutohej në lidhje me këto akuza me princin trashëgimtar të Arabisë Saudite, zëdhënësja u përgjigj se nuk mund të parashikonte se ç’mund të ndodhte më 20 mars.