Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nga 'Zgjedhorja' te KÇK e anti-shpifja, pikat e forta që do të diskutohen gjatë sesionit të ri parlamentar

Politiko 20 Janar 2020, 08:22

Pas një muaji pushimesh, Kuvendi i Shqipërisë rinis më 20 janar seancat duke hapur sesionin e VI-të të Legjislaturës se IX-të.

Puna rifillon paralelisht edhe për Komisionet Parlamentare. Sipas njoftimit zyrtar të Kuvendit, seanca e parë që nis në orën 17.00 do të jetë formale dhe në rend të ditës janë parashikuar këto pika:

Hapja e Sesionit të VI-të të Legjislaturës së IX -të të Kuvendit të Shqipërisë

Miratimi i procesverbalit të seancës plenare të datës 18.12.2019 (neni 44, pika 2 e Rregullores)

Njoftimi i projektligjeve të depozituara në Kuvend (neni 44, pika 3 e Rregullores)

Miratimi i Programit 6 javor të Punës së Kuvendit për periudhën 20 janar – 7 mars 2020 (neni 26, pikat 5, 6 te Rregullores, votim me shumice te thjeshte)

Miratimi i Kalendarit 3-javor të punimeve të Kuvendit për periudhën 20 janar – 7 shkurt 2020 (neni 27, pikat 3, 4 te Rregullores, votim me shumice te thjeshte)

Paraqitja ne Kuvend e kalendarit të raporteve vjetore të organeve kushtetuese dhe atyre të krijuara me ligj për veprimtarinë e vitit 2019 (neni I 03, pika I e Rregullores)

Kujtojmë se në këtë seancë, kryeministri Edi Rama nuk do të jetë i pranishëm, pasi do të vizitojë Ukrainën në cilësinë e kryetarit të zyrës së OSBE-së.

Pikat e nxehta në sesionin e ri

Edhe këtë sesion, gjatë muajve në vijim Kuvendi pritet të dominohet nga debate të forta për disa çështje tashmë të njohura edhe për publikun, por që u spostuan për shkak të tërmetit të 26 nëntorit.

Reforma Zgjedhore

Është një nga çështjet më të diskutuara aktualisht dhe ashtu pritet të jetë edhe në vijim pasi maxhoranca dhe opozita arritën të ulen në tryezë 4-palëshe pak ditë më parë. Nga ana e saj opozita paraqiti tre kushtet për të garantuar konsensus dhe pranoi Damian Gjiknurin, ndërsa mazhoranca pranoi të ulet me opozitën jashtë institucioneve.

Pritet për t’u parë nëse do të miratohet kjo reformë, si një nga 9 kushtet e Bundestagut gjerman, ndërsa afati i saj në aktin e firmosur mes palëve është 15 marsi. Kjo edhe për faktin se në muajin maj të këtij viti mbahet samiti i Zagrebit, ku Shqipëria dhe Maqedonia e Veriut presin të hapin negociatat me BE, siç deklaroi së fundmi edhe Komisioneri për Zgjerim i BE-së, Oliver Varhelyi, i cili ndodhej në një vizitë në Tiranë.

Paketa anti-KÇK

Gjatë këtij sesioni pritet të miratohet edhe akti normativ anti-KÇK, ashtu siç ka përsëritur kryeministri Rama gjatë muajit dhjetor, pasi bashkë me çështje të tjera “u ngrinë” për shkak të tërmetit.

Me në fokus ‘goditjen’ e gjykatësve dhe prokurorëve të korruptuar që janë të vetëdijshëm që nuk e kalojnë vettingun, sipas Ramës, kjo nismë ligjore pritet të prodhojë po ashtu shumë debat në seancat e ardhshme.

Anti-shpifja

Kjo paketë u miratua në seancën e fundit parlamentare në dhjetor 2019-, por u kthye me dekret për rishqyrtim nga presidenti Ilir Meta, ndërsa pak ditë më parë kreu i Grupit Parlamentar i PS, Taulant Balla deklaroi se do të rrëzohet.

Po ashtu, debate priten edhe në komisionet parlamentare, ndërsa me interes priten zhvillimet në Komisionin Hetimor për shkarkimin e Presidentit Ilir Meta.