Ngjarje e frikshme në Greqi/ Shqiptari i vë flakën gruas, shkak mendohet xhelozia

Një ngjarje e frikshme ka ndodhur në Kalamata të Greqisë, ku një shqiptar 45-vjeçar e ka lyer gruan 39-vjeçare me benzinë dhe më pas i ka vënë flakën.

Sipas mediave greke ngjarja e rëndë ka ndodhur në banesën e çiftit dhe britmat e gruas kanë alarmuar fqinjët.

Dyshohet se shkak është bërë xhelozia. Në vendngjarje ka mbërritur zjarrfikësja dhe më pas burrë e grua janë dërguar në spital.

Gruaja është në gjendje kritike për jetën, ndërsa burri ka marrë disa plagë.

Fatmirësisht skena nuk ka ndodhur në praninë e fëmijëve.