Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nishani promovon Metën: Do jetë president i balancave politike

Politiko 11 Maj 2017, 14:48
Nishani promovon Metën: Do jetë president i balancave politike

Edhe pse u zgjodh pa votat e opozitës, presidenti aktual i Shqipërisë Bujar Nishani beson se Ilir Meta në krye të shtetit do të jetë një figurë që do të ofrojë ekuilibër në jetën politike.

I ftuar në emisionin “Komiteti” të gazetarit Berat Buzhala, Presidenti në detyrë tha se eksperienca politike e Metës, e veçanërisht ajo në krye të Kuvendit të Shqipërisë, e ndihmon për të qenë President i balanceve politike.

Ashtu siç ka dëshmuar me qasjen e tij për gjetjen e konsensusit në situata të ndryshme politike që ka kaluar vendi, njëjtë, sipas Nishanit, Meta do të jetë edhe në krye të angazhimit të tij të ri si President.

“Meta ka një eksperiencë të gjatë politike dhe në eksperiencën e tij të gjatë politike, në shumicën e aktivitetit të tij politik, ka treguar se është njëri që është i qasur nga ekuilibrat, është i qasur nga paqësimi, kështu që besoj se edhe në pozicionin e presidentit, Meta do të jetë një figurë e cila, edhe për shkak të kësaj dialektike politike që ka ai në politikën shqiptare dhe institucione, do të vazhdojë ta ofrojë këtë”, ka thënë Presidenti Nishani.

Referuar mungesës së opozitës për votimin në Kuvend të kreut të ri të shtetit, Nishani tha se kjo nuk ka të bëjë me kandidatin por me objektivat politike të partive. Njëjtë ka ndodhur edhe me Bujar Nishanin kur është zgjedhur president: në Kuvend ka munguar opozita e asaj kohe, sot në qeverisje.

Ilir Meta u zgjodh president i Shqipërisë me votat e shumicës ndërsa më 24 korrik do të marrë zyrtarisht detyrën, kur pritet të betohet në përfundim të mandatit 5-vjecar të Bujar Nishanit. Me zgjedhjen President, Ilir Meta hoqi dorë nga drejtimi i Lëvizjes Socialiste për Integrim, duke ja lënë 'timonin' e partisë Petrit Vasilit.

Të fundit