Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Nishani, Thaçi dhe Bushati reagojnë për sulmin në Manchester, dënojnë ngjarjen dhe japin mbështetje

Politiko 23 Maj 2017, 08:34
Nishani, Thaçi dhe Bushati reagojnë për sulmin në

Presidenti i Republikës së Shqipërisë, Bujar Nishani shprehu hidhërimin e thellë mbi viktimat e pafajshme dhe të plagosurit e shumtë të akteve të mbrëmshme terroriste në Arenën e Mançesterit në Britaninë e Madhe.

Presidenti Nishani i shprehu ngushëllimet më të sinqerta familjarëve e të dashurve të viktimave dhe autoriteteve britanike, ndërsa të lënduarve u uroj shërim sa më të shpejtë.

“Në solidaritet të plotë me qytetarët dhe autoritetet britanike, Presidenti Nishani i dënon me forcë këto akte mizore dhe nxitësit e tyre, duke theksuar se terrorizmi nuk do të arrijë t’i mposhtë e gjunjëzojë vendet e shoqëritë e lira”, thuhet në njoftimin e Presidencës.

Ministri i Jashtëm, Ditmir Bushati ka shkruajtur në Tëitter: “I trishtuar nga sulmi i tmerrshëm në Manchester. Mendimet e mia janë me viktimat dhe familjet e tyre. Jemi të bashkuar për të luftuar terrorizmin”.

Edhe presidenti i Kosovës, Hashim Thaçi ka reaguar për ngjarjen e rëndë. “I shokuar nga sulmi në Manchester. I drejtuar ndaj pjesës më vulnerabël të shoqërisë. Kosova qëndron në krah të qeverisë britanike dhe popullit të saj kundër sulmit”

Policia britanike ka konfirmuar vdekjen e 22 personave dhe plagosjen e 59 të tjerëve pas sulmit terrorist në stadiumin ku po performonte këngëtarja amerikane Ariana Grande.

Të fundit