Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Nisja e fushatës, një kurth i Ramës për të harruar gënjeshtrat

Politiko 8 Qershor 2020, 12:57

Nisja e fushatës, një kurth i Ramës për të harruar

Namir Lapardhaja

Nëse kërkon të gënjesh, gënje aq shumë që njerëzit të mos arrijnë ta besojnë se ajo që thua është gënjeshtër. Duket se kjo është motoja e kryeministrit Rama, i cili, pasi gënjeu mandatin e parë për 300 mijë vende pune, pasi shiti gjithçka me PPP-të dhe largoi një pjesë të shqiptarëve në mandatin që po mbyll, tani ëndërron mandatin e tretë. Madje, dhe të katërtin, sepse tani mendon për dy radhazi, deri më 2029, duke shfaqur pikërisht fytyrën e vërtetë për ta bërë publike- Arben Ahmetajn, më të përfolurin e korrupsionit në këto vite qeverisjeje, të cilin e ktheu në kabinet vetëm pak kohë pasi e kishte shkarkuar. Në fakt, Edi Rama, që nuk ka dhënë llogari për asgjë për të cilën është akuzuar, që ka lënë vendin pa gjykata, që ka ndërtuar sipas oreksit të tij organet e reja hetimore, që vetëm për veprimet e tij dhe të qeverisë së tij nuk veprojnë (mjafton të shikojmë se si SPAK-u, edhe për Teatrin, një gjë të parë publikisht, nuk ka kryer ende asnjë hetim, duke e shtyrë gjithçka deri në qesharake), tashmë ndihet i qetë, pasi ia ka arritur që reformën në drejtësi ta kthejë në një shtojcë të partisë së tij.

Kur erdhi shtatë vite më parë në pushtet, shumë shqiptarë mund të kenë besuar se ai ka një dëshirë për të kthyer gjithçka në shinat e ligjit. Ka patur biznesmenë, qytetarë të thjeshtë, intelektualë, që kanë besuar se do merrte një goditje nepotizmi. Kush ka pak memorie, Edi Rama do mbahet mend vetëm për burgosjen e disa hallexhinjve për faturat e dritave apo për ndërtim në shtëpitë e tyre pa lejen e duhur. Të tjerët, ata që e kishin krimin në gen, ai u përpoq dhe ia arriti t’i gradonte pranë vetes në politikë apo institucione. Nuk pyeti as për ligjin që nxirrte jashtë politikës, por vijoi me këmbëngulje, duke treguar se ajo që kishte premtuar ishte thjesht një tallje publike me shqiptarët.

Ata që besojnë se pas Edi Ramës është Partia Socialiste që kemi njohur, thjesht gënjejnë veten. Përgjimet që kemi dëgjuar dhe parë të botuara në gazetën gjermane "BILD" tregojnë se cilët janë vërtet stafi i tij elektoral. Ndërkohë që organet hetimore vetëm ia pasojnë njëra-tjetrës dosjen, duke u tallur jo vetëm me shqiptarët, por edhe me partnerët ndërkombëtarë, që kërkojnë hetim ndaj vjedhjes së zgjedhjeve. Mirëpo, Rama ka një plan tjetër. Një plan që, nëse shqiptarët nuk dinë ta lexojnë, duhet ta mbajnë më pas mbi veten e tyre, pasi ai që kërkon të përngjasohet me vitet në pushtet të Merkelit, harron se në cilën gjendje e ka çuar Shqipërinë, ekonominë, institucionet.

Ndoshta, koha e pandemisë Covid-19, ku i drejtoi shqiptarët nga shtëpia dhe Facebook-u, i kanë dhënë iluzionin se populli është dele që vetëm e ndjekin deri në heqjen e të gjitha të drejtave që ata kanë, duke i zëvendësuar me urdhrat e tij të darkës. Rama, me nisjen e fushatës, kërkon të harrojë dëmet e tërmetit, dëmet që i ka shkaktuar

ekonomisë, varfërinë që po del në pah çdo ditë. Duke tentuar nisjen e një fushate, ai kërkon të fusë opozitën në një kurth tjetër, që ai e konsideron “kurthi i normalitetit”, përmes të cilit kërkon të shfaqë një normalitet në përditshmërinë tonë, edhe pse do të mjaftonte vetëm një pjesë e malit të gënjeshtarve të tij që askush të mos e merrte seriozisht. Rama nuk merret më me gënjeshtra të vogla kur i flet publikut. Ato ai i ka dhënë pa recetë në këto vite. Kështu që preferon gënjeshtrat e mëdha, madje nga më të mëdhatë që mund t’i rrokë truri.

Për të shfryrë këtë tullumbace duhet që çdo ditë t’u numërohet shqiptarëve tabela e gjatë e gënjeshtrave që ia ka thënë çdo ditë. Ai nuk skuqet kur gënjen. Por shqiptarët nuk mund të lejojnë që jeta e tyre të mbytet në detin e gënjeshtrës.