Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Një fshat prej 2 milion dollarësh për të pastrehët

Politiko 6 Mars 2018, 20:48
Një fshat prej 2 milion dollarësh për të pastrehët

Megjithëse numri i përgjithshëm i pastrehëve në Amerikë është ulur gjatë dekadës së fundit, mungesa e strehimit është rritur në qytete të mëdha anembanë vendit. Vende të caktuara në këto zona shpesh quhen “qytete tendash”, ku është e zakonshme që të pastrehët të jetojnë në kampe nën autostrada apo parqe.

Në San Jose të Kalifornisë, zyrtarët po i drejtojnë përkohësisht të pastrehët e qytetit me shtëpi të vogla. Këtë javë, ata inauguruan dy dizajne për shtëpitë, të krijuara nga Gensler, studioja më e madhe e arkitekturës në botë.

Shtëpia e parë, një dizajn prej 80metra katrorë, ka një shtrat, një derë mbyllëse dhe raftet për të sistemuar gjërat. Tjetra është 140 metra katrorë dhe përmban një çati të pjerrët, një shtrat, një hapësirë të vogël të brendshme dhe dritare të mëdha.

Cilindo dizajn fshati që do të zgjidhet, do të strehojë deri në 25 njerëz të pastrehë deri në 2022, kur AB 2176 – ligji që lejon qytetin e San Hizit të ndërtojë shtëpi të vogla – përfundon.

Sipas  Mercury Neës, udhëheqësit e qytetit po konsiderojnë 37 lokacione në pronësi publike dhe private për kabinat. Ata gjithashtu rekomandojnë që vendet të jenë të paktën 1.320 metra larg shkollave dhe 530 metra larg shtëpive të banimit. “Habitat for Humanity”do të ndërtojë fshatrat, ndërkohë që HomeFirst do t’i operojë ato dhe e gjitha do të jetë jofitimprurëse.

Kostoja e ndërtimit të fshatrave nuk do të jetë e lirë. Një shtëpi do të  kushtojë 90.550 dollarë. Ky çmim mund të rritet diku nga $ 10,075 në $ 17,450 për shtëpi kur të shtohen shërbimet e sigurisë, transportit dhe ushqimit.

Përafërsisht 4,350 njerëz jetojnë në rrugët e San Jose, sipas një raporti të vitit 2017 nga “Aplikacioni Anketa Hulumtuese”. Rajoni gjithashtu ka përqindjen e tretë më të lartë të të pastrehëve dhe vendi i katërt me numrin më të madh  të të pastrehëve kronikë, që do të thotë se ata kanë jetuar në rrugë për një vit ose më shumë.

San Jose nuk është qyteti i parë që do të ketë shtëpitë e vogla për të pastrehët. Fresno, Kalifornia,Austin, Texas, Portland, Oregon dhe Eugene, kanë krijuar tashmë fshatra me mikro-shtëpi si zgjidhje afatshkurtra./Urbanus Blog

Të fundit