Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Një Nënë i bashkohet protestës. Kush është dhe cilat qenë pyetjet drejtuar Bashës

Politiko 7 Maj 2017, 12:59

Një Nënë i bashkohet protestës. Kush është dhe

Një zonjë në moshë ka folur sot në tubimin e protestës, në atë që opozita e ka quajtur Çadra e Lirisë, dhe ka habitur me elokuencën dhe kthjelltësinë e gjërave që ka thënë. Ndoshta një prej folësve më të mirë që kanë vizituar toën hall-in opozitar, ajo ka folur për rininë e dikurshme të Shqipërisë dhe për atë të së ardhmes.

"Kam ndjekur me vëmendje dhe me emocion të thellë, revoltën e madhe dhe popullore të 18 shkurtit, qëndresën heroike, qytetare të popullit tonë kaq të kulturuar, kaq paqedashës. Jam Fato Muraj, një nënë, një grua si të gjitha gratë dhe nënat shqiptare, të thjeshta punëtore, zemërmira, zemërdlira, në krahët e fuqishme të të cilave breza shqiptarësh trima u rritën.

I përkas atij brezi që u rrit dhe jetoi në diktaturë, që provoi urinë, zinë e bukës, mungesën e dritave, që i rriti fëmijët me qiri dhe tallon. Qe diktatura e egër i ktheu shqiptarët, qytetarët më të lashtë të kontinentit europian, në një hiç. Që na izoloi dhe ndau nga bota, nga informacioni dhe qytetërimi, duke përjetuar një tragjedi varfërie dhe izolimi të tejskajshëm.

Ja përse brezi ynë, që vuajti edhe tragjedinë e prindërve, një pjesë e të cilëve vdiq në burgje dhe kampe internimi, u ngritën me guxim, bashkë me fëmijët e tyre, iu bashkuam Lëvizjes Studentore të ’90-ës për liri, demokraci dhe Shqipëri të progresuar dhe europiane.

A do lejojmë ne të kthehet Shqipëria mbrapsht, të bjerë prapë në gropën e hiçit, në errësirë? A do të lejojmë të rinjtë të marrin rrugën e mërgimit dhe nënat të qajnë përsëri e të mos u thahen sytë nga lotët? T’i themi jo diktaturës së Ramës, kësaj klike harbute, makute e mbarsur me mllef për demokratët dhe demokracinë.

Në fjalët e fundit të Ramës kuptojmë se zgjedhjet për të cilat lufton Partia Demokratike dhe aleatët e saj, na qenka një lojë shahu, se Shqipëria qenka fushë shahu. Këta gjeneralët na qëndrojnë në karrike sipas qejfit dhe ne kundërshtarët që mund të na hanë dhe mund të na eleminojnë si gurët e shahut sipas qejfit të tyre.

Më lejoni z. Basha t’ju drejtoj disa pyetje. A i duhet kësaj Shqipërisë së vogël 80 parti, mes tyre fantazma që marrin gjithë atë fond, që të bëjnë atë propaganda çorientuese dhe aspak të dobishme për Shqipërinë dhe shqiptarët. A do të lejoni ju që KQZ të aprovojë parti të reja dhe t’i emërtojë si opozitare për të eleminuar gjysmën e popullit shqiptar që është demokrat? Gjysmën e popullit shqiptar që ka zemër demokrati. Aspak urrejtje dhe hakmarrje, por kërkon të jetojë i lirë në tokën e tij si qytetar europian.

A do të lejoni ju që të vazhdojnë taksat e larta për rininë universitare që pasi të mbarojë të punojë si kamarierë e t’u shërbejë këtyre makutëve kur hanë peshk, ngjala e pijnë verë? A do ta integroni rininë e mrekullueshme shqiptare të mos shkojë të punojë në Call Center, të mos rrijë pa punë, por të marrë pjesë gjerësisht në jetën akademike, ekonomike, politike të vendit?

Ajo është pjesa më vitale, më progresiste e shoqërisë. Ajo e tregoi heroizmin e saj në vitin 1990. Ajo do ta tregojë mençurinë, diturinë e saj, dhe sot nuk do të lejojmë të fitojnë makutët, harbutët, drogmenët të korruptuarit, do të fitojë demokracia shqiptare dhe ne prindërit jemi me ta."