Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Një tjetër fitore për gratë në Arabinë Saudite, kur bashkëshortët të ndahen prej tyre do njoftohen me mesazh

Politiko 9 Janar 2019, 18:23
Një tjetër fitore për gratë në Arabinë Saudite,

Ligji i ri në Arabinë Sauditë do i japë fund praktikës së deritanishme të të mos-njoftimit të grave në raste divorci. Ligji i ri është miratuar nga ministri i drejtësisë në vend, të dielën.

Gratë në Arabinë Sudite do të njoftohen me mesazh që martesa e tyre ka përfunduar sipas një ligji të ri për t’i dhënë fund divorcit sekret, ku shumë meshkuj ndaheshin nga gratë e tyre pa i njoftuar më parë.

 “Gratë do të njoftohen për çdo ndryshim në statusin e tyre martesor përmes një mesazhi në telefon,” tha ministri i drejtësisë gjatë seancës parlamentare të transmetuar live në kanalet televizive. Raporti thekson se gratë gjithashtu do të kenë akses në të gjithë dokumentat lidhur me kontratat martesore në ëebsite-in e ministrisë.

Direktiva e re do të garantojë që gratë të jenë tërësisht të informuara mbi statusin e tyre martesor, e sigurisht të mund të mbrojnë të drejtat për mbështetje financiare.

Vetëm vitin e kaluar, në Arabinë Saudite u hoq ligji që femrat nuk duhet t`i japin makinës, duke u dhënë atyre lirinë që edhe të jenë në timon. Megjithatë, femrat vijojnë të jenë subjekt i ligjeve të mbikëqyrjes nga meshkujt.

Femrat saudite, ende edhe sot nuk mund të bëjnë shumë gjëra, pa miratimin e një mbikëqyrësi mashkull, zakonisht bashkëshorti, babai, vëllai apo djali. Mes tyre, për shembull, është aplikimi për pasaportë, udhëtimi jashtë vendit, martesa, hapja e një llogarie bankare, nisja e disa bizneseve të caktuara, kryerja e operacioneve kirurgjikale për qëllime estetike, apo largimi nga burgu.

Të fundit