Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Noka: Qeveria i ka ditët e numëruara, si do e rrëzojmë

Politiko 6 Nëntor 2017, 11:34
Noka: Qeveria i ka ditët e numëruara, si do e rrëzojmë

Deputeti i PD, Flamur Noka, në përfundim të mbledhjes së Komisionit të Sigurisë, ku u diskutua buxheti i SHISH, tha se kjo qeveri i ka ditët e numëruara. Sipas Nokës qeveria "Rama" do të rrëzohet me protesta popullore dhe demokratike. 

“Sot kjo qeveri ka rënë moralisht, ajo mund të rrijë në këmbë pak ditë aritmetikisht. Por qytetarët që e votuan, e votuan dhe besuan pasi i kërkoi timonin timonieri për të drejtuar vendin.  E vërteta doli në pah se nuk kishin patentën për të drejtuar vendin, por kjo qeveri dhe timonieri kishin patentë për të drejtuar skafet, trafikun dhe krimin e organizuar. Është koha ta rrëzojmë dhe kjo qeveri i ka ditët e numëruar", u shpreh Noka.

Më tej deputeti demokrat shtoi se qeveria e Ramës nuk përfaqëson qytetarët por krimin.

"Gjushi është një ushtar i vogël i kësaj perandorie me lidhje të mëdhaja në krim. Perëndoria do të rrëzohet në mënyrën më demokratike të mundshme, me protesta popullore. Kjo qeveri bleu vota por edhe ato pak vota që mori për të qeverisur, nuk qeveris por drejton krimin. PD ka institucionet që do vendosë afatet, datat dhe strategjinë. Por një gjë ju them me siguri kjo qeveri i ka ditët e numëruara, është qeveri e krimit dhe e bandave. Në këtë aksion kemi mbështejten e faktorit ndërkombëtar dhe kjo është e rëndësishme”, u shpreh ndër të tjera Noka në një deklaratë për median.

 

Të fundit