Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Nxehet” Aurela Gaçe: Mos i bini më telefonit tim për të mbledhur fonde

Politiko 8 Shkurt 2019, 12:55

“Nxehet” Aurela Gaçe: Mos i bini më telefonit tim

Këngëtarja Aurela Gaçe ka treguar shpesh herë që sensibilizohet me rastet e personave në nevojë. Shpesh ajo është bërë edhe pjesë e fushatave, duke kontribuar edhe me anë të shumave monetare në ndihmë të tyre, kryesisht gra e fëmijë.

Mirëpo, së fundmi këngëtarja është revoltuar së tepërmi me shoqatat që mbrojnë të drejtat e grave e të miturve në vend, të cilët nuk e kanë ngritur zërin lidhur me rastin e abuzimit të 13-vjeçares në Kavajë, apo vrasjes së gruas në Vlorë nga bashkëshorti dy ditë më parë.

“Nëse zëri juaj nuk dëgjohet, nëse zërin tuaj se dëgjoj, atëherë, ju lutem, mos i bini më telefonit tim për te mbledhur fonde ne ndihme te grave. Sepse kështu dhunoni edhe besimin”, shkruan ndër të tjera Aurela.

Reagimi i plotë:

Shoqata qe mbrojne te drejtat e gruas ne kete vend...apo te te miturve , a ka?

Ka, sigurisht.

Sepse shpesh na kerkojne te jemi pjese e koncerteve per te mbledhur fonde e unë sigurisht jam pergjigjur me prezencen time kudo ku më eshte kerkuar ndihma....por?

Ku eshte zëri juaj? ??

Ku eshte zeri jone per t'u ardhur ne ndihme?

Nje e mitur, nje vajze, nje grua, nje nene, nje moter e dikujt vazhdon dhunohet....edhe perdhunohet

Ku do te perplasen ato?

Ku gjejne mbeshtetje?

Shoqeria jone eshte e para qe i masakron.

Eshte e para me ate gjykimin e famshem se "donte vetë" , e lëre pastaj kur i marrin edhe jetën te shkretes grua....arrijme te nxjerrim nga goja jone ( se nga mendja jo e jo) -' hë se kushedi cfare ka bere , se u tall me ndjenjat a nje psikopati, se kushedi ka dashuruar ndonje tjeter " etj etj etj bla bla bla .

Jemi ne fajtoret e pare qe nuk mbrojme qofte duke i dhene krahë nje te gruaje te ndahet sa me pare nga nje burre qe e dhunon se ai nuk sherohet, se ajo pret kot qe ai te nderroje sjellje se s'ka per te ndodhur.

Jemi ne te paret qe nuk i themi se ti mund t'ja dalesh edhe e vetme , se nuk ke nevoje te kesh ne jeten tende dike qe as e llogarit jeten tende.

Jemi ne , familja, fisi , shoqeria qe e bejme te besojë se ky ishte fati i saj e tani duhet ta pranoje,duke e paguar edhe me vdekje.

Jemi ne qe fajesojme "atë " ,se ajo duhet te ketë faj , se ajo mund te kete dashur vete te dhunohet, mund te kete provokuar vete, se i krruhej vete , se i vinte mire ....më vjen të qaj, sidomos kur mesoj se keto mendime i ka nje tjeter grua, nje tjeter vajze.

Me siguri keto jane ato te ndershmet e lagjes qe mbajne koken ulur e nuk jane pelqyer kurre me askend, nga ato qe s'kane historite e tyre , qe nuk provokojne me xhinse te ngushta e dekoltera ....me siguri keto jane ato qe duhen pirë ne kupë .

E si te flasin grate e shkreta ?

Kur vete ne grate, ne qe supozohemi te jemi qënia e brishte qe sjell ne jete nje tjeter jetë?

Nese i ndodh femijes tend kjo gje moj grua, nese perdhunohet, nese martohet e dhunohet, nese bie ne dashuri e pastaj masakrohet deri ne vdekje nga ai qe donte shume , ti moj e dashur grua tjeter, si do ta mbrosh vajzen e motren tende?

Duke i treguar se " e ka kerkuar vetë"?

Tmerr.

Mendësine s'kam force ta ndryshoj se atë e keni marre padyshim ne ambjentin ku keni hedhur hapat e pare, e sigurisht ka rrenje te thella....

Por te pakten keto shoqatat e shumëperfolura , pse nuk bëjnë zë?

Nëse zëri juaj nuk dëgjohet, nëse zërin tuaj se dëgjoj, atëherë, ju lutem, mos i bini më telefonit tim per te mbledhur fonde ne ndihme te grave. Sepse kështu dhunoni edhe besimin.

Pikë!