Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

OBSH përgëzon Shqipërinë: Pjesë e studimit klinik për gjetjen e kurës anti-Covid

Politiko 26 Prill 2020, 17:01
OBSH përgëzon Shqipërinë: Pjesë e studimit klinik

Organizata Botërore e Shëndetësisë ka përgëzuar Shqipërinë për pjesëmarrjen në studimin klinik të Solidaritetit, që synon gjetjen e mjekimit kundër Covid. Në studimin, që marrin pjesë mbi 100 vende, përfshihen pacientë të rritur, do të marrin medikamente që studiohen për veprimet e tyre ndaj koronavirusit. Edhe në Shqipëri është duke u zbatuar ky protokoll, bën me dije OBSH.

“OBSh-ja përgëzon Shqipërinë për pjesëmarrjen në Studimin klinik të Solidaritetit. Mbi 100 vende në botë janë duke punuar së bashku përmes këtij studimi, për të gjetur mjekimet e efektshme në kohën më të shpejtë të mundshme.

Studimi përfshin pacientët në moshë të rritur me COVID-19, të hospitalizuar. Pacientët adultë, të cilët marrin trajtimin spitalor standard, do të marrin gjithashtu medikamente që po studiohen për veprimin e tyre ndaj koronavirusit të ri dhe sëmundjes së shkaktuar prej tij.

Në Shqipëri do të zbatohet i njëjti protokoll standard, sikurse edhe në vendet tjera. Çdo pacient jep pëlqimin e tij nëse dëshiron të marrë edhe medikamentet në studim apo jo. Ekipi mjekësor i trajnuar vlerëson gjendjen e çdo pacienti për sëmundjet bashkëshoqëruese dhe kundërindikimet.

Përmes Studimit klinik të Solidaritetit, do të studiohen medikamentet: chloroquine ose hydroxychloroquine; lopinavir dhe ritonavir; lopinavir/ritonavir plus interferon beta,dhe remdesivir. Medikamente të tjera mund të shtohen në studim sipas të dhënave kërkimore. Studimi monitorohet nga Komiteti për të dhënat globale dhe monitorimin e sigurisë, i përbërë nga një grup ekspertësh të pavarur.”, thuhet në njoftimin e OBSH-së.

https://www.facebook.com/108216470543592/photos/a.134443704587535/243005017064736/?type=3&theater

Të fundit