Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

OFL kërkesë për deklarim pasurie dy të fortëve: Ben Qimes dhe rivalit të Aldo Bares

Politiko 7 Shkurt 2020, 11:18

OFL kërkesë për deklarim pasurie dy të fortëve: Ben

Në vijim të operacionit Forca e Ligjit dhe në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

- Saimir Taullau, banues në Lushnjë, i dënuar për veprën penale “Prodhimi dhe shitja e narkotikëve”, në bashkëpunim;

- Arben Isufaj, banues në Fier, i cili është nën hetim në Itali, për veprën penale “Pjesëmarrja në organizatë kriminale, me qëllim trafikimin e lëndëve narkotike”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për ndjekje të mëtejshme.

Të gjitha subjektet e Ligjit Special, pra të gjithë të dënuarit apo të akuzuarit gjatë 30 viteve të fundit, për krimet e parashikuara në këtë ligj, do të kalojnë sitën e provës së ligjshmërisë së pasurisë së tyre. Asnjë përjashtim nuk do të ketë dhe nuk mund të ketë dhe çdo përpjekje për të tjetërsuar ndërkohë pronën, duke përdorur familjarë apo të njohur, do të rëndojë të dyja palët. Kujtojmë se Ligji Special parashikon vlerësime dhe hetime specifike të pasurisë edhe për rrethin familjar të personave të dënuar apo akuzuar për krim të organizuar e krime të rënda.

Gjatë kësaj periudhe janë dërguar në Prokurorinë e Posaçme Kundër Korrupsionit dhe Krimit të Organizuar materialet për shtetasit : A. H., L. H., G. F., G. M., A. D., M. B. dhe A. D.

Saimir Taullau është një emër i njohur për policinë dhe drejtësinë shqiptare. Në vitin 2005, vëllai i tij, Baki Taullau ekzekutohet me armë zjarri.

Familja Taullau njihet për konfliktin e hapur me bandën e Aldo Bares dhe ka akuzuar prestarët e kësaj bande për vrasjen e Baki Taullaut.

Kush është Arben Isufaj i njohur me nofkën “Ben Qimja”.

Isufaj dyshohet për trafik ndërkombëtar droge dhe pjesëmarrje në organizata kriminale. I cilësuari si i forti i Fierit dhe një biznesmen me shumë ndikim në këtë qytet, ishte i shpallur në kërkim ndërkombëtar nga Interpol Roma.

Ai dyshohet të ketë trafikuar sasi të mëdha droge në kuadër të një organizate të fuqishme që vepronte në vendin përtej Adriatikut dhe ishte dënuar me 30 vite burg.

Emri i tij është skeduar që herët në dosjet e policisë italiane, pasi Antimafia ka përgjuar për një kohë të gjatë personat e përfshirë në aktivitetin kriminal. Më herët, Arben Isufaj ka ‘fituar’ një përballje me gjykatat shqiptare, pasi dyshohej për vrasje me paramendim, të Piro Koçiut, më 12 gusht 2002, në një pallat në rrugën "Him Kolli" në Tiranë, por u la i lirë për mungesë provash.