Flash News

Dita e 24-ët e protestës, Kam ardhur nga Amerika, do të vijnë me mijëra!

Aksident në Gjirokastër, përplasen një furgon turistësh, dy të lënduar

Tronditëse në Prrenjas/ 69-vjeçari i vë flakën bashkëshortes, shkak xhelozia

Spiropali ironizon Ramën: Fletë-rrufe, kontroll algoritmik e gjuhë e shthurur

Dhoma Amerikane e Tregtisë ngre alarmin: Korrupsioni dhe monopoli po godasin bizneset në Shqipëri

OP-ED

Kryeministra ‘teknikë’ apo sharlatanë taktikë

Politiko 6 Janar 2026, 21:40
Kryeministra ‘teknikë’ apo sharlatanë taktikë

Alfred Lela

Disa gazetarë, të shtyrë nga shefat e redaksive, apo edhe nga prova se emrat sjellin klikime, nuk përtojnë të pyesin, siç bënë sot në konferencën për shtyp të shefit të opozitës, për emrin e ‘kryeministrit teknik’. U bashkohen disa opozitarë, të cilët, i paduruar dhe naiv siç është protagonizmi, duan të jenë pjesë e ngjarjeve ende pa lindur ato.

Te përgjigja e Berishës gjendet vija narrative që duhet të ndjekin opozitarët, në mos duan t’i shërbejnë Ramës. Sepse çdo pseudongjarje apo lajm hibrid, që u mbivendoset njëqind e një të zezave që ka në banak, e vijon, Mapoja qeveritare, ka për qëllim zvogëlimin e këtyre skandaleve dhe zëvendësimin e asaj që është alarmante, me diçka tjeëtr që është qesharake.

Nuk ka ndonjë të re tashmë në faktin se, sa herë ka zgjedhje parlamentare, sa herë i vjen radha Presidentit, Avokatit të Popullit, apo çdo lloj funksioni për të cilin ka njëfarë gare, veshët e publikut dhe orekeset e tahmaofiqarëve dalin përmbi Dajt dhe bëhen antenat që emëtojnë dëshirën e madhe për me u pa, për me kenë, për me u folë për mu'.

Kauzës, dhe as qëllimeve të opozitarëve, nuk u intereson kjo. Zëvendësimi i projektit opozitar për një qeveri të ndërmjetme, pa Ramën në krye, që lejon një periudhë ftohjeje të motorit të kurdisur për të kërdisur zgjedhjet me anë të vjedhjes, me emra burrash, seriozë apo sharlatanë, grash ambicioze apo desperate publicwives, që duan, apo nuk duan fare, të bëhen kryeministra teknikë, e kthen odisenë opozitare për të arritur te gara e ndershme elektorale, në vodëvil qeveritar ku shumë miklohen e të gjithë e hanë.

Nuk kërkohet një kryeministër teknik, as kërkohet një qeveri për të kaluar radhën, as një marrëveshje për të shtrënguar duart dhe pastaj po ato duar për t’i lidhur në fyt të zgjedhjeve; kërkohet një armëpushim serioz dhe i vërtetë, jo mes palëve, jo mes PD dhe PS, jo mes Berishës dhe Ramës, por mes idesë së qeverisë që del nga zgjedhjet e lira, dhe një grupi parapolitik që bën si qeveritar, por nuk janë më shumë se një bandë gangsterësh.

Emrat janë vetëm shashka për të kompleksuar një publik të çoroditur, i cili duket se harron që emrat nuk kanë ndonjë peshë apo kuptim më shumë, se ata që Edi Rama shqipton në kuvendet e partisë së tij, dhe sheh tek eksponentë të lartë socialistë hutohen, djersijnë, lagen, pa ia patur haberin se pse, qysh e tek.

Këtë teknikë Edi Rama nuk duhet lejuar ta përdorë edhe kundër Partisë Demokratike. Dëshira e opozitarëve, të malluar për një detyrë dhe ëndërrimet-jo dhe aq djaloshare-për kryeministri apo drejtori, nuk duhet të zëvendësojnë atë që është e përbashkët dhe ka vetëm një emër: largimin e një qeverie që, duke vjedhur dhe korruptuar, ka tradhtuar shqiptarët pa dallim politik, fetar apo krahinor dhe ka tredhur vendin.

Ideja e qeverisë teknike nuk është ajo e një sheshpushimi për të marrë veten, por stacioni ku, nuk ndalohet por vijohet, për ta çuar Edi Ramën në pension apo azil, dhe për të rikthyer në Shqipëri institucionin e shenjtë të zgjedhjeve të lira.

Ku njerëzit zgjedhin me vullnet të lirë, pa frikë, dhe nuk shqyhen si qentë.

Të fundit