Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

OP-ED

Teatri i kukullave i socialistëve, që synon demonizimin e opozitës dhe sfumimin e bllokadës europiane ndaj Edi Ramës

Politiko 8 Prill 2026, 18:48

Teatri i kukullave i socialistëve, që synon demonizimin e

Nga Gent Gaba

Mjegulla e luftës që ka kapluar botën mbarë është një pretekst i mirë për çdo autokrat për të amortizuar krizat e brendshme dhe të jashtme, dhe në kutinë e veglave të Edi Ramës, ky marifet është shfaqur gjatë dhe pas çdo krize. Ashtu ndodhi me rastin e pandemisë, vijoi me luftën në Ukrainë, dhe me të njëjtin instinkt mbijetese, po ndodh edhe me konfliktin në Lindjen e Mesme, ku Edi Rama ka kërkuar një protagonizëm aventuresk, jo për interes kombëtar, por krejtësisht personal. Hyrja e tij skiç në lojën e madhe, si një milingonë në një përplasje mes elefantësh, nuk ishte natyrisht për të ndryshuar balancën e fuqive në konflikt, por për të davaritur me zhurmën e jashtme hallet e tij të brendshme, që nuk janë të pakta.

Në këtë gjatësi valësh duken edhe zhvillimet politike brenda kampit rozë, tallazet që kanë mbushur ekranet dhe portalet, më shumë se si një sfidë ndaj pushtetit të tij autoritar, në një parti që bashkëqeverisë me ish-zëvendëskryeministren e tij të rënë në çarkun e SPAK, kanë nisur të ngjasojnë përditë e më shumë me një shkumë retorike, që nuk adreson, nga ana e “rebelëve”, me akte politike, problemet reale të Shqipërisë, të qeverisur gjatë këtyre 13 viteve nga Edi Rama, edhe me ndihmën dhe firmat e tyre.

Një sfidë e tillë do të duhej të shënjestronte keqqeverisjen, korrupsionin e kudondodhur, e natyrisht thelbin e debatit të ditëve të sotme, që është pengimi i negociatave nga ana e Ramës, për të marrë në mbrojtje Ballukun, duke na lënë në vendnumëro në procesin e integrimit.

Këto teza janë parakushti i çdo sfidanti të Edi Ramës brenda PS-së, pasi do të dëshmonin se veprimi i tyre nuk është diktuar nga interesi personal, apo nga manovra politike për konsumim të brendshëm, por nga urgjenca për t’i dhënë zgjidhje një çështjeje që dëmton palcërisht ambiciet e gjithëpranuara nga shoqëria jonë për avancimin e rrugëtimit europian.

Në të kundërt, ato do të interpretohen në shoqëri si një teatër kukullash për të sfumuar qëndrimet e drejta të opozitës ndaj Ramës dhe qëndrimet e vendeve anëtare të BE-së, të mishëruara me mosmiratimin e përsëritur të raportit IBAR, që është një shuplakë me 27 yje ndaj kryeministrit dhe partisë që në zgjedhjet e kaluara premtoi integrim dhe mbrojtje të pavarësisë së drejtësisë. Ndërkohë që po prodhon izolim ndërkombëtar për Shqipërinë dhe asfiksim të drejtësisë përmes kartonave të rrëmbyera më 11 maj, në zgjedhje pa garë, siç shënon edhe raporti i ODIHR, që na kujton se fusha e lojës nuk ishte e barabartë dhe kufiri mes partisë në pushtet dhe shtetit ishte inekzistent.

Dhe në këtë rast, promovimi i debateve shterpë nga ana e PS-së, që synojnë devijimin e vëmendjes publike nga atentati që Rama po i bën integrimit dhe drejtësisë, nuk mund të shmangë llogaridhënien me krijimin e një opozite shtëpiake të socialistëve.

Për 13 vite me radhë Edi Rama i ka bërë bisht llogaridhënies. Me hile, fuqi mediatike të blerë dhe lobime korruptive, e ka spostuar qendrën e debatit publik te opozita, por tani që në Shqipëri dhe në Europë është e qartë se ai është koka e peshkut të qelbur, e që me togfjalëshin e lodhur dhe të kontrabanduar në çdo medium të vendit, “fajin e ka Saliu”, nuk po fiton dot amnisti nga keqbërjet e tij, teatri i kukullave në PS duket se nuk e ndihmon dot më.

Të fundit