Flash News

OP-ED

Trump-Biden, Amerika nuk është vetëm e vetes

Trump-Biden, Amerika nuk është vetëm e vetes

Alfred Lela

Zgjedhjet amerikane nuk janë kurrë vetëm për Amerikën. Ndoshta ky është ndryshimi i madh mes Presidentit Trump dhe parardhësve të tij; Republikanë apo Demokratë qofshin: ai do që zgjedhjet të jenë vetëm për Amerikën.

Ai preferon që bota përtej ShBA të mbetet jashtë, edhe pse Shtetet e Bashkuara, në shumë mënyra, janë vetë bota.

Jo vetëm për shkak të kompozitës etnike, shkrirë në melting pot-in amerikan, por sepse, prej thuajse një shekulli tashmë, bota është familjarizuar me dominance, kryesisht beninje, të Shteteve të Bashkuara.

Amerika, ashtu si kapitalizmi, nuk janë vendi dhe rendi më i mirë i mundshëm, por nuk shohim asgjë më të mirë përreth dhe veç tyre.

Amerika voton sot. Edhe pse pa të drejtë vote, në kutitë e votimit është edhe pjesa tjetër e botës. Secili ka arsyet e veta dhe kandidatin e vet.

Kështu edhe shqiptarët. Ka mes nesh trumpistë dhe klintonainë. Këta të fundit preferojnë Joe Biden-in, duke e parë si vazhdim të klintonizmit në Shtëpinë eBardhë dhe në marrdhëniet shqiptaro-amerikane. Trumpistët janë një segment më vete. Aty bashkohen populistët, konservatorët dhe fasha të tjera sentimentesh e ideologjish.

Disa mijra shqiptaro-amerikanë votojnë në duelin Trump-Biden dhe do të mund të zgjedhin kandidatin e tyre.

Një zgjedhje e ngjashme është e pamundur. Shqiptarët e Amerikës nuk munden të votojnë në vendin amë, në Shqipëri, dhe ndoshta ky është leksioni që ne duhet të nxjerrim sot nga zgjedhjet amerikane.

Kur do të bëhet Shqipëria një demokraci edhe për Diasporën e saj?

Ditari politik

Të fundit