Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OPINEWS

PO! "Kukuvajka" po kukat për ty, personalisht!!!

Politiko 23 Shkurt 2025, 14:39

Nga Gent Strazimiri
Flet për "buf kënete" por, paraqet me zë dhe figurë një kukuvajkë, që këndon "këngën" e saj ndjellakeqe, në vend të një kolone zanore.
Është një spot i kuruar me shumë kujdes nga pikëpamja grafike e estetike por mbi të gjitha nga mesazhi anksioz që përcjell "me" dhe "pa" gërma...
Në këto kushte, dyshimi se "ka një keqkuptim" a "pakujdesi" për shkak se bufi ngjason me kukuvajkën është krejt i pavend.
Për më tepër që, fillimisht paraqiste vërtetë një buf grafikisht...
Reagimi i një forumi të trashëgimisë kulturore që denonconte "keqkuptimin" me ndërrimin e shpendit, gjeti një pasqyrim të gjerë në media e portale por, jo në ndreqjen e spotit kryeministror...
Do të thotë që kukuvajka është aty jo gabimisht, as rastësisht por, sepse pikërisht kukuvajkën donte porositësi, publikuesi e promovuesi i spotit: Kryeministri
Po pse?
Është e qartë se Kukuvajka në spot, nuk ka lidhje me Sali Berishën por, me emisarin e Presidentit Trump krah tij: Chris LaCivita.
Çdo fjalë që thotë a shkruan aty, e ka me të, jo me Berishën.
Në gjuhët latine, emri i shpendit që ne e quajmë kukuvajka e me të cilin kryeministri zëvendësoi bufin në spot, është: La Civetta... pothuajse si emri i Chris...
Kukuvajka në spot, zëvendësoi bufin, pak pas konferencës së përbashkët për shtyp të Sali Berishës me Chris LaCivita, atë që, përcaktoi në 180 sekonda se kush është miku i Amerikës në Shqipëri, e kush është "kukulla e Sorosit";
që, njoftoi shqiptarët se SHBA në Shqipëri duan drejtues një mik të tyre;
që, njoftoi "fituesin" e deritanishëm, se nuk ka ardhur në Shqipëri për të humbur përballë një "socialistuci", menjëherë pasi ka fituar me "Knot Out" ndjeshjen me socialistët më të fuqishëm në glob: demokratët amerikanë...
Në një përpjekje për t'u dhënë zemër e për të mbajtur të bashkuar keqbërësit që drejton e, përmes të cilëve sundon, Edi Rama ka bërë më klasikun e lapsuseve frojdjanë.
Praktikisht, rrugaçërinë, "armën" me të cilën bën pis, fyen e denigron çdo kundërshtar, e ka futur në gojën e tij të pistë dhe... ka qëlluar!!!
Ka dëshmuar se, në këtë krijesë të tij, këtë xhunglën surreale pa rregulla, pa standarde morale, madje jo vetëm pa pemë e bimësi por, edhe pa luan, po këndon këngën e saj "kukuvajka".
Chris LaCivita foli vetëm 180 sekonda dhe i tha të gjitha.
Sqaroi se "Amerika" është kthyer dhe, është sërish "Amerikë"!
Foli me emra konkretë, me fenomene konlrete e, me një kthjellësi e vërtetësi që e kishim harruar...
Ato 180 sekonda për zullumqarët, rebtilët e xhunglës ishin "kënga e kukuvajkës", vendimi përfundimtar, i paapelueshëm, që shqiptarët prisnin prej kohësh.
Po! "Kukuvajka" po kukat dhe po paralajmëron fundin e natës 12 vjeçare të shqiptarëve.
Është vërtetë një këngë ndjellakeqe, por vetëm për krijesat e natës!
Në Greqinë e lashtë, ajo venerohej dhe paraqitej në monedha së bashku me Athinanë, perëndeshën e mençurisë...
Me një degë ulliri në sqep, ajo ishte simboli i paralajmërimit të së nesërmes në prosperitet dhe paqe, pa persekutim të kundërshtarëve politikë, pa krim në shtet e pa shtet kriminelësh.
Prandaj e tmerron kukatja e saj!
Dhe bëjnë mirë që tmerrohet!
KAQ!