Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Opozita kërkesë që KP të mblidhet sot pasdite dhe ‘ofertë’ të re PS për KQZ: Bazohet te Formula e Venecias

Politiko 18 Qershor 2020, 11:52
Opozita kërkesë që KP të mblidhet sot pasdite dhe

Pas ngërçit të krijuar në Këshillin Politik në lidhje mënyrën e përzgjedhjes së anëtarëve të KQZ-së, opozita ka një propozim të ri për qeverinë. Sipas burimeve të Politiko propozimi i PD dhe aleatëve është në përputhje me formulën e certifikuar nga Komisioni i Venecias për zgjedhjen e anëtarëve të organeve të reja të sistemit të drejtësisë.

Burime opozitare bëjnë me dije se kjo lëvizje është pjesë e vullnetit të mirë për të mos e futur në bllokim procesin. PS refuzoi që përzgjedhja e trupës së KQZ të niste me Avokatin e Popullit, siç ndodh edhe me organet e drejtësisë.

Propozimi sipas të njëjtave burime bazohet në tre parime kryesore:

-E çon procesin e përzgjedhjes në Kuvend;

-Reflekton dakordësinë e datës 5 Qershor;

-Respekton formulën e certifikuar nga Komisioni i Venecias për Reformën në Drejtësi.

Burime opozitare i thanë Politiko se Partia Socialiste nuk është treguar e gatshme për kompromis gjatë diskutimit të çështjes. Ajo i ka qendruar propozimit të saj të muajit shkurt, i cili i siguron maxhorancës emërimin e të gjithë trupës së KQZ-së me një proces të pastër politik. PS propozon që anëtarët e KQZ-së të propozohen nga çdo deputet dhe të përzgjidhen nga një komision i përbërë nga grupet parlamentare, të cilat PS i kontrollon.

Në këtë frymë opozita i ka drejtuar Partisë Socialiste një shkresë me propozimin, ku theksohet.

“Me shpresën se ndajmë qëllimin e përbashkët për të ecur përpara me këtë proces dhe për ta konkluduar kodifikimin e 5 qershorit pa vonesa, duke qenë se është edhe 1 nga 15 kushtet që Shqipëria duhet të përmbush në kuadër të procesit të negociatave me BE, propozojmë që Këshilli Politik të mblidhet për të vijuar punën, sot, më datë 18 Qershor, ora 17:00”.

 

Të fundit